مامۆستا ھاوژین محێدین لەبەشی باخداری کۆلێجی زانستە ئەندازیاریە کشتوکاڵیەکانی زانکۆی ڕاپەڕین، دو كتێب لەزمانی توركیەوە وەردەگێڕێتە سەر زمانی كوردی.

كتێبی یەكەمیان بەناونیشانی (تـورکیـا لەدیدی نووسەرانەوە ٢٠١٨-٢٠٢٠ ‎پەیوەندییەکانی تورکیا و ئەمەریکا، پێشهاتەکانی سوریا، ڕەخنەگرتن لە حکومەت، ئازادی میدیا و ئابوری تورکیا)ەوەیە، ‎ئەم کتێبە لەئامادەکردن و وەرگێڕانی هاوژین محێدینە، پێنج دۆسیەی "سیاسی، ئابوری و مێدیایی" لەخۆگرتوە لەچوارچێوەی ۲۱٤ لاپەڕەدا.
كتێبی دوەم بەناونیشانی (سیستەمی سیاسی عێراق و لوبنان لە نێوان فیدڕالیزم و کۆنفیدڕالیزمدا)یەو ئەم کتێبە، توێژینەوەیەکە لەلایەن "بەهرۆز گەڵاڵی" ئەنجامدراوەو هاوژین محێدین لەزمانی تورکییەوە وەریگێڕاوەتە سەر زمانی کوردی، لە۱٥۲ لاپەڕە پێکهاتووەو توێژینەوەکە، باس لەسیستمی سیاسی عێراق دەکات و لێکچونی لەگەڵ وڵاتی لوبنان دەخاتەڕو، چەند باسێکی لەخۆگرتوە: سیستمەکانی فیدڕاڵی و کۆنفیدڕاڵی، فیدڕاڵیزم، ئەو تیۆرانەی پەیوەندیان بەدەوڵەتی فیدڕاڵیەوە هەیە، حکومەتی فیدڕاڵی عێراق، مێژوی عێراق، سیستمی سیاسی عێراق، کوردو ڕۆلی لەسیستمی سیاسی. مێژوی لوبنان، سیستمی سیاسی لوبنان، دەستورو پێکهاتەی سیاسی لوبنان، جیاوازی و هابەشی لەنێوان سیستمی سیاسی عێراق و لوبنان.
مامۆستا ھاوژین محێدین ئەمە کتێبی پێنجەم و شەشەمیەتی لەبواری سیاسی-دا، ماوەی ١٠ ساڵە سەبارەت بە سیاسەت و گۆڕانکاریەکانی تورکیا لەرۆژنامەو گۆڤارەکانی ھەرێمی کوردستان دەنوسێت. و ماوەی ٤ ساڵ لەبواری میدیا لەتورکیا کاری کردوە.