ئێوارەی ئەمڕۆ یەكشەممە (11ی تەمموزی 2021) لەهۆڵی چالاكییەكانی زانكۆی راپەڕین، كۆمپانیای كالەكیم بەهاوبەشی بەشی ئەندازیاری شارستانی زانكۆی راپەڕین وێركشۆپێك بەناونیشانی (بابەتە پەیوەندیدارەكانی پەیوەست بەچارەسەری كێشەكانی بینا) رێكخست.

لەوێركشۆپەكەدا سیمینارێكی زانستی دەربارەی درزو كێشەكانی بینا لەلایەن (م.ی. سلێمان سۆركان) مامۆستا لەبەشی ئەندازیاری شارستانی زانكۆی راپەڕین پێشكەشكرا.
دواتر لەلایەن نوێنەرانی كۆمپانیای كالەكیم ناساندن بۆ ئەو مەوادانە كرا كە كاریگەرییان هەیە لەچارەسەركردنی كێشەكانی پەیوەست بەبینا. لەبەشێكی تری وێركشۆپەكەدا باس لەچارەسەركردنی كێشەكانی بینا كراو بەگفتوگۆی كراوەش كۆتایی بەوێركشۆپەكە هات.