بەمەبەستی ڕاهێنانی مامۆستایانی زانکۆی ڕاپەڕین بۆ فێرکردنی ئەلیکترۆنی، مامۆستایانی دەرچوو لەخولی فێرکردنی ئەلیکترۆنی ڕێکخراوی(IREX)ی ئەمریکی، بەهەماهەنگی لەگەڵ سەنتەری ڕاهێنانی پێداگۆجی و پەرەپێدانی ئەکادیمی خولێکی ٤ هەفتەیی، لە نێوان ٣/٩/٢٠٢٠ بۆ ١/١٠/٢٠٢٠ بۆ سەرجەم ستافی وانەبێژی، کە ژمارەیان سەروی ٢٢٠ مامۆستابوو، کردایەوە.

لەخولەکەدا، کە ١٠ ڕاهێنەر وانەکانیان دەوتەوە، مامۆستایان لەسەر کۆمەڵێک بابەتی گرنگ ڕاهێنانیان پێکرا، لەوانە: بەکارهێنانی ئامرازە ئەلیکترۆنی و ئۆنلاینەکان بۆ فێربوون و فێرکردن، گوگڵ وێرکسپەیس، هەڵسەنگاندن لەپرۆسەی وانەوتنەوەی ئۆنلاین و ئاوێتەدا، چۆنێتی بەشداریپێکردنی خوێندکار لە فێرکردنی ئۆنلایندا، بەڕێوەبردنی پۆلێکی ئۆنلاین.
خولەکە بۆ ماوەی ٤ هەفتە، هەفتەی ٣ ڕۆژ و ڕۆژی ٣ کاتژمێر بەڕێوەچوو و لەکۆتایی خولەکەدا هەڵسەنگاندن بۆ بەشداربووان کراو بڕوانامە بەخشرا بەبەشداربووە سەرکەوتوەکان.