ئەنجومەنی زانكۆی راپەڕین، ئەمڕۆ (1ی ئەیلولی 2021) یەكەمین رۆژی دەستپێكردنی ساڵی نوێی خوێندنی (2021 – 2022)ی دیاریكرد.

بەپێی بڕیارەكەی ئەنجومەنی زانكۆ رۆژی شەممە (18ی ئەیلولی 2021) یەكەم رۆژی دەوامی خوێندنی ئەمساڵی خوێندنی (2021 – 2022) دەبێت.
بەپێی بڕیاری ئەنجومەنی زانكۆ، پێویستە خوێندكارانی بەشە ناوخۆییەكانی ڤاكسینی دژە كۆڕۆنا وەربگرن، بۆئەوەی بتوانن بەشە ناوخۆیی وەربگرن.
پڕۆسەی پێدانی ڤاكسینی كۆڕۆنا لەزانكۆی راپەڕین لەرێی بنكەیەكی تایبەتەوە دەستپێدەكات و بڕیارە لەبەیانی رۆژی پێنج شەممە (2ی ئەیلولی 2021) بنكەكە بكرێتەوەو ڤاكسینی دژە كۆڕۆنا بدەن لەمامۆستایان و خوێندكاران و فەرمانبەرانی زانكۆی راپەڕین.