ئه‌مڕۆ ١٧ی كانونی یه‌كه‌می ٢٠٢٣، بە ئامادەبوونی پ.ی.د. پەیمان ڕەمەزان ئەحمەد سەرۆکی زانکۆی ڕاپەڕین و یاریدەدەرانی سەرۆکی زانکۆ و ئەندامانی ئەنجومەنی زانکۆ و فەرمانبەران و خوێندکاران ، بەڕێوەبەرایەتی چالاکی وەرزش و ڕۆشنبیری زانکۆی ڕاپەڕین له رۆژی ئاڵای كوردستاندا مەراسیمێکی شایستەی بەبۆنەی ڕۆژی ئاڵاوە لەبەردەم بینای کۆلێژی زانستەمرۆڤایەتیەکان ڕێکخست.
جێی ئاماژەیە پەرلەمانی كوردستان لەبڕیارێکدا ڕۆژی (١٧)ی كانوونی یەكەمی هەموو ساڵێكی وەک بۆنەیەکی نەتەوەیی "ڕۆژی ئاڵای كوردستان " ناساند، بەو بۆنەیەوە ساڵانه چین و توێژه‌كانی كۆمه‌ڵگەی كوردستان بۆ بەرز ڕاگرتنی "ڕۆژی ئاڵای كوردستان" چالاكی جۆراوجۆر ئەنجام دەدەن.