ڕاگەیاندنی زانکۆ

بەهۆی خراپی باری کەش و هەوا و بارینی بەفر و دروستبوونی ئاستەنگی هاتوچۆ لە ڕێگاوبانەکاندا، سەرۆکایەتی زانکۆی ڕاپەڕین لەپێناو سه‌لامه‌تی‌ خوێندكاران و مامۆستایان و فه‌رمانبه‌راندا، سبەی پێنج شەممە ڕێکەوتی (٢٠١٧/٢/٢) لە سەرجەم کۆلێژ و بەشەکانی زانکۆدا کردە پشووی فەرمی .

بەپێی‌ نوسراوێکی گشتاندن ژمارە (۱۸۰۱/٩) لە بەرواری ۲۰۱۷/۱/۳۱، ‌وەزارەتی‌ خوێندنی‌ باڵا و توێژینەوەی‌ زانستی‌، کە ئاراستەی گشت زانکۆ حکومییەکانی هەرێمی کوردستان کراوە، لە نوسراوەکەدا ئاماژە بە خاڵی (٥)ی نوسراوی وەزارەت تایبەت بە پەسەندکردنی ئەنجامی بەرایی خوێندنی ماستەر و دکتۆرای زانکۆکان بۆ ساڵی (٢٠١٦-٢٠١٧)کراوە، کە تیایدا هاتووە "لە حاڵەتی هەبوونی تەنیا یەک پێشکەشکار بۆ کورسییەکی تەرخانکراو بۆ زانکۆ نوێیەکان و زانکۆ پۆلەتەکنیکییەکان و زانکۆکانی تر، ئەوا شێوازی خوێندنی کاندیدەکە دەگۆڕێت بۆ خوێندنی پارالێڵ" .

هەروەک لە نوسراوەکەی وەزارەتی خوێندنی باڵادا هاتووە "کە وەزارەت لاری نیە کە لەنێوان هەردوو زانکۆکە (زانکۆی کورسی بۆ تەرخانکراو+زانکۆی خاوەن کورسی خوێندن) هەماهەنگی بکرێت و کورسییەکە لە پارالێڵەوە بگۆڕێت بۆ کورسی خوێندنی باڵا (خۆڕایی)".

رۆژى دووشەممه، ٢٠١٧/١/٣٠، بەڕێوەبەر و ستافی سەنتەرى کاری زانكۆی راپه‌ڕین، له‌ دیوانی وه‌زاره‌تی خوێندنی باڵا و توێژینەوەی زانستی  به‌شداریانکرد لە خولێكی یەک ڕۆژە بەناونیشانی ( ڕۆڵی سه‌نته‌رەکانی كار له‌ په‌ره‌پێدانی توانای خوێندكاران) .

خووله‌كه‌ بەئامادەبوونی‌ "د.یوسف گۆران" وه‌زیری خوێندنی باڵا و نوێنه‌ری جێگری سه‌رۆكی حكومه‌ت و به‌ڕێوه‌به‌رانی سه‌نته‌ری كار لە زانكۆكان به‌ڕێوه‌چوو.

 پلان و ستراتيجەكان.
ئامانجی خولەكه بريتی بوو له راهينانى ستافى سەنتەرەکانى كار لە زانکۆکان بەتايبەت ئەوانەى تازه دەستبەکاربوون و پێويستيان بەراهينان هەبوو بۆ ئەوەى زياتر پەره بە بەهرە و تواناكانيان بدەن لەپێناو زياتر بەرەوپێشبردنى سەنتەرەكانيان لەڕووى پلان دارشتن و كاركردن.

به‌ڕێوه‌به‌ری سه‌نته‌ری كار لە زانكۆی راپه‌ڕین وه‌ك پریسنته‌ری به‌شدار بوو لە خولەکەدا‌ كار و چالاكییە‌كان و گرنگی و بایەخی سه‌نته‌رەکانی كاری  بۆ زانكۆكان روون كرده‌وه‌