ئەمڕۆ ١٠٠ فێرخواز بەشداریان کرد لە تاقیکردنەوەی Placement لەسێنتەری زمان
لەمیانەی کردنەوەی کۆرسی بەهێزکردنی زمان و ئامادەکاری IELTS، ئەمڕۆ سێنتەری زمان تاقیکردنەوەی پێشەکی Placementـی بە ١٠٠ فێرخواز ئەنجامدا و ئەمەش لە پێناو دانانی فێرخوازەکان لە ئاستی گونجاو بە گوێرەی توانای خۆیان.
شایەنی باسە ئەم کۆرسە چوار مانگی کردای دەخایەنێت و لە هەفتەیەکدا ٣ ڕۆژ و ڕۆژانە ٤ کاتژمێر دەخوێندرێت و لەلایەن مامۆستای بیانی تایبەتمەند وانەکان دەوترێنەوە و تێیدا فێرخواز لە کۆرسی ئامادەکاری IELTS ئامادەدەکرێت بۆ ئەم تاقیکردنەوە نێودەوڵەتییە و لە کۆرسی بەهێزکردنەکەش فێرخواز هاوکاری دەکرێت تا زمانی ئینگلیزی بەهێزبکات و بەکاری بهێنێت لە کاروبارە ئەکادیمی و بوارەکانی ژیانی خۆی.
سێنتەری زمان هیوای سەرکەوتن بۆ فێرخوازەکان دەخوازێت و لەهەفتەی داهاتووەوە وانەکان دەستپێدەکرێن.
بەڕێوەبەرایەتی سێنتەری زمان

بە مەبەستی بەرزکردنەوەی ئاستی زانستی مامۆستایانی زانکۆمان بەشێوازی نوێی وانە ووتنەوە، هۆبەی خوێندنی باڵا لە سەرۆکایەتی زانکۆی ڕاپەڕین بەپێی فەرمانی زانکۆیی ژمارە (٢٣٢/٢٩/٧) لە ڕیکەوتی ٢٠١٧/١/١٧، بڕیاریدا بە کردنەوەی خولی ڕێگاکانی وانە ووتنەوە بۆ ساڵی (٢٠١٧) .

١- خولەکە لە ڕۆژی دوو شەممە ٢٠١٧/١/٢٣ دەستپێدەکات تا ڕێکەوتی ٢٠١٧/٤/٢٣ بەردەوام دەبێت.

٢- خولەکە لە بینای فاکەڵتی زانست دەبێت، ڕۆژانە لە کاتژمێر (٢)ی دوانیوەڕۆ دەست پێدەکات .

٣- پێویستە بەشداربووان کۆپی پاسپۆرت و کۆپی بڕوانامەی ماستەر بهێنن .

راگەیاندنی زانکۆ

ئەمڕۆ چوارشەممە ٢٠١٧/١/١٨، سەعدی ئەحمەد پیرە ئەندامی مەکتەبی سیاسیی یەکێتی نیشتمانی کوردستان سەردانی زانکۆی راپەڕینی کرد و، لەگەڵ سەرۆکی زانکۆو ئەندامانی ئەنجومەن و ژمارەیەک بەڕێوەبەری زانکۆ کۆبۆوە.
سەرەتا لەلایەن بەڕێز "پ.ی.د. مۆفەق خالید" سەرۆکی زانکۆی راپەڕین بەخێرھاتنی بەڕێز سەعدی ئەحمەد پیرە و وەفدی یاوەری کرا، دواتر لە کۆبوونەوەیەکدا باس لەبارودۆخی ئێستای کوردستان و قەیرانی دارایی ھەرێم کرا. ھەروەک ئاماژەی بەقۆناغەکانی شەڕی موسڵ کردو ئەو قۆناغەشی بە قۆناغی کۆتایی ھاتنی گروپی تێرۆریستی داعش لەموسڵ و عێراق ناوبرد.
ھەروەک بەگرنگیەوە باسی لە رۆڵی زانکۆکان و ناوەندە زانستییەکان کرد کە دەتوانن لەڕێگەی توێژینەوەی زانستی فیکری داعش لەعێراق لەناوبەرن چونکە بەکۆتایی ھێنان گروپی تێرۆریستی داعش فیکری ئەم گروپە کۆتایی نایەت و پێویستی بە توێژینەوەی زیاتر دەبێت.
دواتریش سەعدی ئەحمەد پیرە ئەندامی مەکتەبی سیاسیی یەکێتی نیشتمانی کوردستان سەردانی پێشانگایەکی کتێبی کرد کە لەکۆلێژی زانستەمرۆڤایەتییەکانی زانکۆی راپەڕین کراوەتەوە.