وتەبێژی وەزارەتی خوێندنی باڵا و توێژینەوەی زانستی رایگەیاند، بەپێی رێنماییەكانی وەزارەت وابڕیارە ئەمڕۆ دووشەممە ۲۰۱٦/۱۲/٥ ئەنجامی بەرایی وەرگیراوانی خوێندنی ماستەر و دكتۆرا راگەیەندرێت.   عەباس ئەكرەم، گوتەبێژی وەزارەتی خوێندنی باڵاو توێژینەوەی زانستی رایگەیاند، بڕیارە ئەمڕۆ ئەنجامی بەرایی ناوی پاڵێوراوانی خوێندنی باڵا ماستەر و دکتۆرا بۆ ساڵی خوێندنی ۲۰۱٦-۲۰۱۷ ڕابگەیەنرێت.

ئەمڕۆ یەک شەممە ٢٠١٦/١٢/٤ لە هۆڵی چالاکییەکانی زانکۆی ڕاپەڕین، گفتوگۆی ماستەرنامەی خوێندکاری خوێندنی باڵا ( ئاوات احمد قادر ) ئەنجامدرا.
ماستەرنامەکە به‌ناونیشانی (هۆزی مەنگوڕ "١٨٨٠-١٩٤٦" توێژینەوەیەکی مێژوویی، ئابوری، کۆمەڵایەتی، سیاسییە) لەلایەن (پ.ی.د.سامان حسین احمد) مامۆستا لە زانکۆی سلێمانی سەرپەرشتی توێژینەوەکە کراوە، لەرێگەی لیژنەیەکی زانستییەوە تاوتوێی ماستەرنامەکەی ناوبراو ئەنجامدرا.

زانیاری دەربارەی پرۆگرامەکە:

پرۆگرامی سەردانیکردنی فولبرایت ، هەل دەرەخسێنێت بۆ ٢٥ فێرخوازی عێراقی تا لەو رێگەیەوە پەرە بە تواناکانیان بدەن لە بوارەکانی پەرەسەندنی کۆلێژ ، رابەرایەتی و چالاکی ئالوگۆری کەلتوری لە دامەزراوەکانی ئەمریکا، لە بەرواری ٣٠ -٦ تا ٨ - ٩- ۲۰۱۷ . پێنج گرووپ کە هەریەکەیان پێک دێن لە پێنج فێرخواز، لە یەکێک لە دامەزراوەکانی ئەمریکا (١٠) هەفتە بەسەر دەبەن کە تێیدا ئاشنا دەکرێن بە میتۆدە نوێیەکانی فێرکردن و لێکۆڵینەوە، رێکخستنی هۆڵ، ئامادەبوون لە سێمینار و پەرەپێدانی پەیوەندی لەگەڵ فاکەڵتی و دامەزراوەکانی ئەمریکا لە ڕێگەی دانیشتنی هەفتانەوە.پرۆگرامەکە هیچ هەلێک نارەخسێنێت وە جێگایەکیش نیە بۆ لێکۆڵینەوەی تاکەکەسی.