فاکەڵتی پەروەردەی بنەڕەت لە زانکۆی ڕاپەڕین، ئەنجامی بەرایی ناوی پاڵێوراوانی بۆ خوێندنی ئێواران بە هەردوو بەشێوەی سیستەمی (پارالێڵ ، مامۆستایانی پەروەردە) بۆ بەشەکانی ( زمانی کوردی ، زمانی عەرەبی ، زمانی ئینگلیزی ، بیرکاری ، زانستی گشتی ، زانستی کۆمەڵایەتی ) ڕاگەیاند.

بەپێی ئەنجامە بەراییەکان فاکەڵتی پەروەردەی بنەڕەت بۆ ساڵی خوێندنی (٢٠١٦-٢٠١٧) ناوی (٢١٥) پاڵێوراوی بۆ خوێندنی ئێواران لە سەرجەم بەشەکانی فاکەلتییەکە ڕاگەیاندوووە، چاوەڕواندەکرێت هەفتەی داهاتوو ئەنجامی کۆتایی ناوی پاڵێوراوان ڕابگەیەنرێت و خوێندکاران پەیوەندی بە بەشەکانیانەوە بکەن بە مەبەستی جێ بەجێکردنی مامەڵەی وەرگرتن.

زانکۆی ئۆکسفۆرد لە ئێستادا داواکاریەکان بۆ زەمالەی (لیوس دریفوس ویدنفێڵد و هۆفمان) و پرۆگرامی سەرکردایەتی وەردەگرێت.ئەم زەمالەیە پشتگیری تەواوی خوێندکارە بەهرەمەندەکان دەکات لەو وڵاتانەی کە لە گەشەکردندان یان ئابوریان لە گەشەکردندایە لە سەرانسەری ئەفریقا و ئاسیا و باشووری ئەمریکادا. دامەزراوەی لیوس دریفوس ئامانجی برەودانە بە کشتوکاڵ ، ئاسایشی خۆراک و پشتبەخۆبەستنێکی بەهێز و بەردەوام بەتایبەتی لەڕێگەی پەروەردە و پاڵپشتیکردنی جوتیارانەوە بەتایبەتی لەو ووڵاتانەی کە لە گەشەکردندا لە ناوچانەی کە لەسەرەوە ئاماژەیان بۆ کراوە.

زانکۆی ڕاپەڕین/بەڕێوەبەرایەتی یاسایی بۆ بەرچاو ڕوونی ئەو خوێندکارانەی ناویان لەزانکۆی ڕاپەڕین هاتۆتەوە نوسراوەکانی تایبەت بە مامەڵە یاساییەکانی وەک ( ده‌سته‌به‌ری خوێندکار بۆ خوێندنی به‌یانیان، به‌لێننامه‌ی خوێندکار/به‌یانیان، به‌لێننامه‌ی خوێندکار/ئیواران ، خشته‌ی سەردانی لیژنەی دادنووس بۆ فاکەڵتییەکان بۆ كاری بەلێننامەی خوێندکاران،  ) بڵاوکردەوە .