ئه‌م به‌ڕێوەبه‌رایه‌تییه‌ له‌گه‌ڵ دامه‌زراندنی زانكۆ له‌ ساڵی ٢٠١١ دامه‌زراوه‌. ئامانجی چاودێریکردنی پرۆسه‌ی دڵنیایی جۆری و زانستخوازی بەردەوامە کە له‌ لایه‌ن کۆلێژ و به‌شه‌كانی زانكۆ به‌ پێی ڕێنماییەکانی وه‌زاره‌تی خوێندنی باڵا و توێژینه‌وه‌ی زانستی جێبەجێ دەکرێت. هەموو ئەمەش لە پێناو به‌رزكردنه‌وه‌ی كواڵیتی خوێندنە له‌سەر ئاستی هەردوو خوێندنی به‌رایی و خوێندنی باڵا.

پرۆسه‌ی دڵنیایی جۆری بریتییه‌ له‌ چه‌ند چالاكیه‌كی به‌رده‌وام له‌ پلاندانان، چاودێریكردن، به‌دواداچوون، هه‌ڵسه‌نگاندن، ڕاپۆرت نوسین و جێبه‌جێكردن، بۆ ئه‌وه‌ی پڕۆسه‌ی خوێندن له‌گه‌ڵ ئامانجه‌كان یەکانگیر بێت. هەروەک له‌ پرۆسه‌ی دڵنیایی جۆری خوێندندا ماف و ئه‌ركی خوێندكار له‌ ناو زانكۆ و ده‌ستەكاندا ده‌ستنیشان ده‌كرێت.

په‌ره‌پێدانی پڕۆسه‌ی دڵنیایی جۆری له‌ ناو زانكۆكان دا یه‌كێكه‌ له‌ ستراتیژیه‌كانی وه‌زاره‌تی خوێندنی باڵا و توێژینه‌وه‌ی زانستی. له‌ ئێستا دا پرۆسه‌ی پلەبەندی نیشتیمانی زانكۆكان وه‌ك به‌شێک له‌ به‌رزكردنه‌وه‌ی ئاستی زانستی و جۆرایەتی خوێندن له‌ زانكۆكان له‌ لایه‌ن وه‌زاره‌ته‌وه‌ ساڵانه‌ جێبه‌جێده‌كرێت.

پڕۆسه‌ی دڵنیایی جۆری چه‌ند بەرنامەیەک له خۆ ده‌گرێت‌:

١. دڵنیایی جۆری خوێندن

٢. زانستخوازی به‌رده‌وام

٣. په‌ره‌پێدانی پڕۆگرامه‌كانی خوێندن

٤. هه‌ڵسەنگاندنی هه‌گبه‌ی مامۆستا

٥. مۆڵه‌تپێدان و متمانه‌به‌خشین

٦. فیدباکی خوێندکاران

٧. ڕیزبەندی نیشتیمانی زانکۆکان

ئەم بەرنامانە بەچەند ڕێنماییەک داڕێژراون کە لەگەڵ ئەزمونی خوێندنی باڵا لە کوردستان بگونجێن و لەگەڵ ستاندەری بەرنامەکانی زانکۆ پێشکەوتوەکانی جیهان هاوتابن، ئەم پرۆسەیە هەمیشە لەژێر چاودێری کەسانی پسپۆردا جێبەجێدەکرێت و ساڵانەش پێداچونەوەی لەسەر دەکرێت و بابەتەکانی ناو ئەم بەرنامانە هەمیشە بەپێی پێویست و بەمەبەستی بەرەوپێشخستن لە گۆڕانکاریدا دەبێت و پێداچوونەوەی لەسەر دەکرێت.

جێبه‌جێكردنی پرۆسه‌ی دڵنیایی جۆری دڵنیایی ده‌دات له‌:

١. ئه‌و بروانامه‌ی كه‌ له‌لایه‌ن زانكۆكانه‌وه‌ به‌ خوێندكاران ده‌درێت.

٢. دڵنیایكردن له‌ جۆری خوێندن.

٣. پشتگیریكردنی خوێندكار له‌ كاتی وه‌رگرتنی كۆرسه‌كانیان و پارستنی مافیان.

٤. دڵنیاكردنه‌وه‌ی بازاری كار له‌ ئاستی هونه‌ری و زانستی كادیرانی پیشه‌یی.

٥. ڕاپۆرت نوسین، پێداچونه‌وه‌ و به‌دواداچوون، چاودێریكردن، بریاردان و هه‌ندێکجار لێكۆلینه‌وه‌ له‌ ناوەرۆكی وانه‌كان و جۆری وتنه‌وه‌یان.

٦. ئاراسته‌كردنی مامۆستایان له‌ به‌ره‌وپێشبردن و په‌ره‌پێدانی ئه‌كادیمیان.

بەڕێوەبەر: سەردار عبدالله حسێن

ئیمەیڵی بەڕێوەبەرایەتی: ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

ماڵپەڕی به‌ڕێوه‌به‌رایه‌تی دڵنیایی جۆری و زانستخوازی به‌رده‌وام

 

لیستی ناوی فەرمانبەرانی بەڕێوەبەرایەتی دڵنیایی جۆری و زانستخوازی به‌رده‌وام