رۆژی (٢٤-١-٢٠٢٤) كاتژمێر (١١) لیژنەی چاوپێكەوتن و هەڵسەنگاندن و پاڵاوتن چاوپێكەوتنی لەگەڵ ئەو خوێندكارو مامۆستاو فەرمانبەرانەی خوازیاری بەشداری پڕۆگرامی ئیراسمۆس پڵەس بوون ئەنجامدا، كە پڕۆژەكە لەئێستادا لەگەڵ زانكۆی (Powislanski)ی پۆڵەندا بەدەستهێنراوە و بریتییە لەخولی هاوینە بۆ (٤) خوێندكار لەكۆلێژەكانی پەرستاری و پەروەردەی بنەڕەت و پەروەردە، و خولی راهێنان بۆ (١) ستافی زانكۆی راپەڕین.

مامۆستایەكی زانكۆی راپەڕین لەبەشی زانستی كۆمپیوتەر لەكۆلێژی پەروەردەی بنەڕەت، تازەترین توێژینەوەی زانستی خۆی لەگۆڤاریكی ئاستبەرزی نێودەوڵەتی خاوەن ئیمپاكت فاكتەری (5) بڵاوكردەوە.

دوو مامۆستای بەشی زمانی عەرەبی كۆلێژی پەروەردەی بنەڕەت لە زانكۆی ڕاپەڕین، بە پێشكەشكردنی توێژینەوەیەكی زانستی هاوبەش بەشداریان لەکۆنفرانسێكی نێودەوڵەتی کرد، کۆنفرانسەکە لە وڵاتی توکیا بەڕێوەچوو کە تیایدا (٢١) وڵات بەشداربوون، هەروەک ماوەی سێ ڕۆژی خایاند.