بەڕێوەبەرایەتی دڵنیایی جۆری و زانستخوازی بەردەوام ئاگاداری خوێندکارانی سەرجەم کۆلێژو بەشەکانی زانکۆمان دەکاتەوە کە پڕۆسەی فیدباک چالاکە لە سیستەمی دڵنیایی جۆری. لە ئێستادا خوێندکاران بە بەکارهێنانی ئیمەیڵەکانیان دەتوانن فیدباکی سەرجەم بابەتەکانیان پڕبکەنەوە، لەڕێگەی ئەم بەستەرەی خوارەوە.

راگەیاندنی زانكۆ

مامۆستا شەهلا محمد، توێژەرێكی زانكۆی راپەڕینەو لەتێزی دكتۆراكەیدا بەو دەرەنجامە گەیشتووە كە (24) سترەنی نوێی بەكتریای (Streptococcus pneumoniae) لەهەرێمی كوردستان دۆزیوەتەوەو بە چەندین دەرەنجامی زانستی دیكەش گەیشتووە، كە لە رۆژى یەکشەمە (23ی ئابی 2020)، لەمیانی گفتوگۆی تێزی دكتۆراكەی بەناونیشانی (Multi Locus Sequence Typing (MLTS) and molecular identification of penicillin binding protein in Streptococcus pneumoniae isolated from children in Iraqi Kurdistan Region ) كە لەزانكۆی كۆیە ئەنجامدرا، سەرپەرشتیاری توێژینەوەكە پڕۆفیسۆر دكتۆر شوان كەمال رشید، ئەو دەرەنجامانە خرانەڕوو.

گۆڤاری زانكۆی راپەڕین، لەماوەی رابردوودا بەمەبەستی گۆڕانكاری بوارەكانی بڵاوكردنەوەی گۆڤارەكە بۆ ماوەیەك كارەكانی وەرگرتنی توێژینەوەی راگرت، بەڵام لەمڕۆ (6 – 9 – 2020)ەوە توێژەرانی بواری زانستە مرۆڤایەتیی و كۆمەڵایەتییەكان و زمان دەتوانن توێژینەوەكانیان بۆ گۆڤارەكە بنێرن.

ئەمڕۆ (29 – 12 – 2020)، ژمارە (4)ی ساڵی (7)تەمینی گۆڤاری زانستی زانكۆی راپەڕین، بڵاوكرایەوە، 

لەم ژمارەیەدا (30) توێژینەوەی ئەكادیمی بەهەرسێ زمانی كوردی و ئینگلیزی و عەرەبی لەپسپۆڕییە جیاوازەكاندا بڵاوكراونەتەوە.
لێرەوە جارێكی تر ئاگاداری توێژەرانی بەڕێز دەكەینەوە، كە بەپێی فرمانی زانكۆی ژمارە (2353) كە رۆژی (6 – 9 – 2020)، دەرچووە بوارەكانی بڵاوكردنەوە لەگۆڤاری زانكۆی راپەڕیندا تەنیا بۆ توێژینەوەی بواری زانستە مرۆڤایەتییەكان و كۆمەڵایەتییەكان وەردەگیرێت، كە زانستەكانی زمانیش لەو چوارچێوەیەدایە.