لەپێناو بەرژەوەندی گشتی و سەلامەتی ژیانی خوێندکاران و فەرمانبەران و مامۆستایان، ھاوشێوەی فەرمانگەکانی ئیدارەی راپەڕین و پارێزگای سلێمانی، زانکۆی راپەڕین بۆ ماوەی (٣) رۆژ بەڕەسمی دەوامی راگرت.
 ئاراز رەمەزان وتەبێژی زانکۆی راپەڕین رایگەیاند کە بەفەرمانی سەرۆکی زانکۆ "رۆژانی ١١و ١٢و ١٣ی تشرینی یەکەمی ٢٠١٥، پشوو دەبێت لەزانکۆی راپەڕین ھاوشێوەی فەرمانگەکانی دیکەی ئیدارەی راپەڕین و  پارێزگای سلێمانی"، وتیشی: راگرتنی دەوام لەپێناو بەرژەوەندی گشتیدایەو بۆ سەلامەتی خوێندکاران و ستافی زانکۆیە بەگشتی چونکە بەشێکی زۆری خوێندکارەکان لەشارەکانی ترەوە ھاتوون و ھاوکات لەشارەکانی خۆشیان خۆپیشاندان و گرژی ھەیەو ھۆکاری سەرەکی راگرتنی دەوام بۆ ھێورکردنەوەی بارودۆخەکەیە.