ڕۆژانی ٢٣-٢٠١٦/٥/٢٦ بەناونیشانی  (9th Chaotic Modeling and Simulation International Conference "CHAOS 2016") لە شاری لەندەن لە وڵاتی بەریتانیا نۆیەمین کۆنفڕانسی زانستی نێودەوڵەتی بەڕێوەچوو.

لە کۆنفرانسەکەدا ژمارەیەکی زۆر لە توێژەران لە وڵاتە جیاجیاکانی جیهان بەشدارییان تیادا کردبوو.
بەڕێز (د.ڕزگار حاجی سالح) یاریدەدەری ڕاگری فاکەڵتی زانست لە زانکۆی ڕاپەڕین بە پێشکەشکردنی توێژینەوەیەکی زانستی بەشداری لە کۆنفرانسەکەدا کرد.
ئامانج لەم کۆنفرانسە ڕەخساندنی مێزگردی فراوانە لە نێوان زانایان و ئەندازیاران بۆ ئاڵوگۆڕکردنی بیرۆکەکانیان لە بواری ( Nonlinear Dynamic , Chaos , fractals ) 

جێی ئاماژە پێکردنە ئەم کۆنفرانسە بۆ یەکەمین جار لەساڵی ۲۰۰۸ لە وڵاتی یۆنان بەستراوە، بڕیارە هەر ساڵێک لە یەکێک لە وڵاتە ئەوروپییەکان ببەسترێت، بڕیارە کۆنفرانسەکە ساڵی داهاتوو لە شاری بارسالۆنا لە وڵاتی ئیسپانیا بەڕێوەبچێت.