بریارە رۆژی ٢٤-٢٥-٢٦ی ٩ زانکۆی راپەڕین کۆنفرانسێکی زمانەوانی لەژێر ناوی "زمانی کوردی لەنێوان ئەرکی رۆشنبیری و زانستی دا"، ئەنجامبدات. سەعات ١٠ی سەرلەبەیانی رۆژی ٢٤/٩/٢٠١٣، لەھۆڵی بۆنەکانی قەڵادزێ کۆنفرانسەکە دەست بەکارەکانی دەکات و چەند وتەیەکی پێویست دەخوێندرێتەوە، دواتر لە پاشنیوەڕۆی ھەمان رۆژدا لەھۆڵی کتێبخانەی فاکەڵتی پەروەردە/ قەلادزێ سیمینارێکی زانستی بەڕێوە دەچێت. شایانی باسە لە ھەرسێ رۆژی کۆنفرانسەکەدا بڕیارە ٢٠ توێژینەوەی زانستی پێشکەشبکرێن لەلایەن کەسانی پسپۆر لەبواری زمانەوانیدا.