ڕۆژی پێنج شەممە ٢٢-٥-٢٠١٤بەشی ماتماتیك لەفاكەڵتی پەروەردەی بنەڕەتی زانكۆی ڕاپەڕین ۆرك شۆپێكی بە مەبەستی دیاریكردنی پڕۆگرام و یەكەكانی بابەتی ماتماتیك بۆ هەردوو قۆناغی (٣ و ٤) بەشەكە سازكرد.
لە ۆرك شۆپەكەدا نوێنەرانی بەڕێوەبەرایەتی پەروەردەی ڕانیە و قەڵادزە ، هەروەها نوێنەری زانكۆكانی سلێمانی و كۆیە تیایدا ئامادەبوون ، بەئامانجی دیاریكردنی پڕۆگرامێكی خوێندنی گونجاو بۆ ساڵی داهاتووی خوێندن بۆ خوێندكارانی هەردوو قۆناغی (٣ و ٤) ی بەشی ماتماتیك .