لە میانی یارییەکانی خولی تۆپی پێی بەشەكانی زانكۆی راپەڕین، ئەمڕۆ یەکشەممە ١٣ی شوباتی ٢٠٢٢، لەیاریگای زانكۆی راپەڕین دوو یاری ئەنجامدران.

لە یاری یەکەمدا خوێندکارانی هەردوو بەشی ئینگلیزی و کۆمپیوتەر ڕووبەڕووی یەکبوونەوە، یارییەکەش بە ئەنجامی(٣-١) لەبەرژەوەندی خوێندکارانی بەشی ئینگلیزی کۆتایی هات.
لە دووەم یارییدا، کە لە نێوان خوێندکارانی هەردوو بەشی بیرکاری و کیمیادا بەڕێوەچوو، لەم یارییەدا خوێندکارانی هەردوو بەش بەئاستێکی بەرزەوە دەرکەوتن و هەردوولا سەرکەوتوو نەبوون لە تۆمارکردنی گۆڵ، یاریەکەش هەر بەو ئەنجامە (0-0) کۆتایی هات، بۆ دیاریکردنی تیپی سەرکەوتوو ناوبژیوانی یارییەکە بڕیاری لێدانی یەکلاکەرەوەی دا ، خوێندکارانی بەشی بیرکاری توانیان بە ئەنجامی (٣-٢) سەرکەوتن تۆمار بکەن و خۆیان بگەیەننە قۆناغی داهاتوی خولەکە .
خولی تۆپی پێی فوتساڵی بەشەکانی زانکۆی ڕاپەڕین، لەلایەن بەڕێوەبەرایەتی وەرزش و چالاکی ڕۆشنبیری سەرپەرشتی دەكرێت.