لە یارییەکانی خولی فوتساڵی بەشەکانی زانکۆی ڕاپەڕین، هەردوو بەشی کیمیا و کۆمپیوتەر بە لێدانی یەکلاکەرەوە سەرکەوتنیان تۆمارکرد، بەشەکانی یاسا و ئەندازیاری ماڵئاواییان لە خولەکە کرد.

لە میانی یارییەکانی خولی تۆپی پێی فوتساڵی بەشەكانی زانكۆی راپەڕین، ئەمڕۆ چوار شەممە ١٦ی شوباتی ٢٠٢٢، لەیاریگای زانكۆی راپەڕین دوو یاری بەڕێوەچوون.
یاری یەکەم کاتژمێر (١٠:٠٠)ی سەرلەبەیانی لە نێوان خوێندکارانی بەشی یاسا و کۆمپیوتەر بەڕێوچوو، دوای یەکسانبوونی هەردوولا بە ئەنجامی (0-0)، خوێندکارانی بەشی کۆمپیوتەر بە لێدانەکانی یەکلاکەرەوە (3-2) توانیان سەرکەوتن تۆمار بکەن و بەشی یاسا ماڵئاوایی لە خولەکە کرد.
لە یارییەکی دیکەشدا، خوێندکارانی هەردوو بەشی کیمیا و ئەندازیاری بە گۆڵێک بۆ هەرلایەک یەکسانبوون، لەم یارییەشدا خوێندکارانی بەشی کیمیا بەلێدانی یەکلاکەرەوە (3-2) سەرکەوتن و بەشی ئەندازیاری کرانە دەرەوەی خولەکە.

خولی تۆپی پێی فوتساڵی بەشەکانی زانکۆی ڕاپەڕین، لەلایەن بەڕێوەبەرایەتی وەرزش و چالاکی ڕۆشنبیری سەرپەرشتی دەكرێت.