ئەمڕۆ دووشەممە ٢١ی شوباتی ٢٠٢٢،بە ئامادەبوونی بەڕێز د.هیوا مینە محمود، ڕاگری کۆلێژی پەروەردەی قەڵادزێ و ئەندامانی ئەنجومەنی کۆلێژ و مامۆستایان و خوێندکارانی کۆلێژەکە بە ساتێک وەستان بۆ گیانی شەهیدان، ڕۆژی زمانی دایک لەکۆلێژی پەروەردە بەڕێکخستنی مەراسیمێک بەرز ڕاگیرا.

لە مەراسیمەکەدا، ڕۆژی زمانی دایک لەلایەن ڕاگری کۆلێژی پەروەردەوە بەرز نرخێندراو هیوای خواست مامۆستایان و خوێندکاران ڕۆڵیان لە بەرەوپێشبردن و گەشەپێدان و پاراستنی زمانی دایکدا هەبێت.
دواتر لە لایەن مامۆستایان و خوێندکاران بەخوێندنەوەی چەند پارچە شیعرو پەخشانێک بەزمانی شیرینی کوردی کۆتایی بە مەراسیمەکە هات.