لە یارییەکانی خولی فوتساڵی بەشەکانی زانکۆی ڕاپەڕین، هەردوو بەشی پەرستاری و کۆمپیوتەر سەرکەوتنیان تۆمارکرد، بەشەکانی کیمیا و بیرکاریش ماڵئاواییان لە خولەکە کرد.

لە میانی یارییەکانی خولی تۆپی پێی فوتساڵی بەشەكانی زانكۆی راپەڕین، ئەمڕۆ چوار شەممە ٢١ی شوباتی ٢٠٢٢، لەیاریگای زانكۆی راپەڕین دوو یاری بەڕێوەچوون.
یەکەم یاری لە نێوان خوێندکارانی بەشی کیمیا و کۆمپیوتەر بەڕێوچوو، لەیارییەکەدا کوڕانی بەشی کۆمپیوتەر باڵادەستی خۆیان بەسەر کوڕانی بەشی کیمیادا نواند و تونیان یارییەکە بەئەنجامێکی شایستە (4-0) ببەنەوە، بەو ئەنجامەش بەشی کیمیا ماڵئاواییان لە خولەکە کرد .
لە یارییەکی دیکەشدا، خوێندکارانی هەردوو بەشی پەرستاری و بیرکاری ڕووبەڕووی یەک بونەوە، لەم یارییەشدا خوێندکارانی بەشی پەرستاری بەئاستێکی بەرزەوە دەرکەوتن و توانیان بە ئەنجامی (5-2) سەرکەوتن تۆمار بکەن و خۆیان بگەیەننە قۆناغی داهاتوی خولەکە، بەشی بیرکاری ماڵئاوایی له خولەکەکرد.
خولی تۆپی پێی فوتساڵی بەشەکانی زانکۆی ڕاپەڕین، لەلایەن بەڕێوەبەرایەتی وەرزش و چالاکی ڕۆشنبیری سەرپەرشتی دەكرێت .