دوو مامۆستای بەشی جوگرافیا لەكۆلێژی زانستە مرۆڤایەتییەكانی زانكۆی ڕاپەڕین، بە پێشكەشكردنی توێژینەوەیه‌كی زانستی بەشداریان كرد لەکۆنفرانسێكی نێوده‌وڵه‌تی، لە ژێر ناونیشانی (جینۆساید لە بیری گەلاندا) کە بەهاوکاری چەند زانکۆ و دامەزراوەیەک له‌ رۆژانی (30 و 31ی ئاداری 2022) له‌ زانكۆی دهۆك ڕێكخرابوو.

لەكۆنفڕانسەكەدا هەریەك لە (پ.ی.د. ساکار محمد حسن و پ.ی.د. فاطمة قادر مصطفى) مامۆستایان لەبەشی جوگرافیای زانكۆی راپەڕین، بە توێژینەوەیەک بەناونیشانی (شیکردنەوەی شوێنی بۆ کیمیابارانی دۆڵی خۆشناوەتی و کاریگەريیە دیمۆگرافیەکانی.(ناحیەی بالیسان وەک نمونە) بەشدارییان لەكۆنفڕانسەكەدا كرد.