ڕۆژی چوار شەممە ۱ی حوزەیرانی ۲۰۲۲، لەشاری هەولێر ڕێکخراوی هاریکاری یاسایی ژنان بەپاڵپشتی ڕێکخراوی (NED)ی ئەمریکی، كۆبوونەوەی راوێژكاری هەرێمی لەژێر ناونیشانی ( یاسای بەرەنگاربوونەوەی توندووتیژی خێزانی و گرنگی بۆ زانكۆكانی هەرێمی كوردستان) ئەنجامدا.

لە كۆبوونەوەكەدا، مامۆستایانی كۆلێژی یاسای زانکۆکان و بەرێوەبەرانی سێنتەری جێندەرناسی لە زانكۆ حکومی و تایبەتەكانی هەرێمی كوردستان و بەشێك لە پەرلەمانتارانی كوردستان و عێراق و نوێنەری رێكخراوەكانی كۆمەڵگەی مەدەنی بەشداربوون.
لەکۆبوونەوەکەدا، د. ڕۆژگار احمد محمود مامۆستا لە بەشی یاسای زانکۆی ڕاپەڕین، سەرنج و خوێندنەوەی خۆی لەبارەی ناوەرۆکی یاساکە خستەڕوو .
پاشان مامۆستا جوتیار اسماعیل جمال بەڕێوەبەری سێنتەری جێندەرناسی لە زانکۆی ڕاپەڕین بابەتێکی بەناونیشانی "یاسای بەرەنگاربوونەوەی توندوتیژی خێزانی و گرنگی بۆ سەنتەرەکانی جێندەر لەزانکۆکان " پێشکەش کرد، تیایدا باسی لە یاسای بەرەنگاربوونەوەی توندووتیژی خێزانی کرد و پێویستی یاساکەی لەڕووی گرنگی یاساکە بۆ لایەنی هۆشیاری و پەروەردەیی و لایەنی جێبەجێکردنی یاساکە و ڕەهەند و گرنگی یاساکەی بۆ سەنتەرەکانی جێندەر لە زانکۆکان هەرێمی کوردستان خستەوو .