کوردی 
English 
مێزگردێكی هاوبەش لەزانكۆی راپەڕین رێكخرا
ئەمڕۆ چوارشەممە (3ی ئابی 2022) رێكخراوی نێودەوڵەتی كۆچی سەر بەنەتەوە یەكگرتووەكان مێزگردێكی هاوبەشی لەگەڵ زانكۆی راپەڕین دەربارەی خۆپاراستن لەتوندڕەوی توندوتیژ لەهەرێمی كوردستان، رێكخست.
لەمێزگردەكەدا ژمارەیەك رێكخراوی كۆمەڵی مەدەنی و چالاكوانی مەدەنی لەسنوری راپەڕین بەشداریان تیایدا كرد.
لەسەرەتای مێزگردەكەدا د. كامەران محمد، راوێژكار لەرێكخراوی نێودەوڵەتی كۆچی سەر بەنەتەوە یەكگرتووەكان، پوختەیەكی دەربارەی پڕۆژەی مێزگردەكەوە خستەڕوو و باسی لەو كێشەو ئالەنگارییانە كرد كە رێكخراوەكان لەجێبەجێكردنی پڕۆژەكانیان هەیانە، و بەتایبەتیش پڕۆژەی خۆپاراستن لەتوندڕەوی توندوتیژی و پڕۆژەكەش زیاتر كاریكردوە لەسەر شارو چارۆچكەكانی دەرەوەی شارە گەورەكانی هەرێمی كوردستان.
مێزگردەكە بەشێك دەبێت لەتوێژینەوەیەكی زانستی و سەرەڕای مێزگردەكانیش راپرسی و چاوپێكەوتنەكان لەداهاتوودا بەشێك دەبن لەپڕۆژەی توێژینەوەكە كە سنوری راپەڕین بەشێكی كاریگەری توێژینەوەكە دەبێت.
لەمیانی مێزگردەكەدا ئامادەبوان گفتوگۆی چڕیان دەربارەی فاكتەرەكانی توندوتیژی كرد بەتایبەتیش توندوتیژی و توندڕەوی لەسنوری راپەڕین بۆئەوەی بتوانرێت لەداهاتوودا لەرێگەی پڕۆژەیەكی ڕێکخراوی نێودەوڵەتی کۆچەوە هەوڵی زیاتر بدرێت بۆئەوەی كار لەسەر كەلتوری پێكەوژیان و ئاشتی و ئاشتەوایی بدرێت.
لەتەوەرێكی دیكەی مێزگردەكەدا باس لەوەكرا كە چ پڕۆژەیەك بكرێت بۆ كەمكردنەوەی توندوتیژی و توندڕەوی لەسنوری راپەڕین.
