دوو مامۆستای زانکۆی ڕاپەڕین گرانتێکی ئیراسمۆس بەدەستدەهێنن

 

دوو مامۆستای زانكۆی راپەڕین لەبەشی جوگرافیا لەكۆلێژی زانستە مرۆڤایەتییەكانی زانكۆی راپەڕین گرانتێكی سێ مانگی لەوڵاتی نەمسا بەدەستدەهێنن.

هەریەک لەمامۆستایان (محمد وتمان محمد) و (سەلام محمود ناصر) لەبەشی جوگرافیا لەکۆلێژی زانستە مرۆڤایەتییەکانی زانکۆی ڕاپەڕین، کە لەئێستادا خوێندکاری نێودەوڵەتی دکتۆرای هاوبەشن لەنێوان هەردوو بەشی (RS&GIS) لەزانکۆی تەبرێز لەوڵاتی ئێران و بەشی جیۆئینفۆرماتیکس - Z_GIS لە زانکۆی سالزبێرگ لەوڵاتی نەمسا گرانتێکی ئیراسمۆس+ بۆ ماوەی ٣ مانگیان بەبڕی (٣٠٨٠ یۆرۆ) بەدەستهێنا بۆ هەر یەکێکیان لەبەشی جیۆئینفۆرماتیکس - Z_GIS لەزانکۆی سالزبێرگ لەوڵاتی نەمسا، لەبەرواری ١٩/٠٩/٢٠٢٢ بۆ ١٨/١٢/٢٠٢٢ . بەمەبەستی وەرگرتنی کۆرسێکی خوێندن و بەرەوپێشخستنی پرۆپۆزەڵی دکتۆراکەیان.