ئەمڕۆ پێنج شەممە (1ی ئەیلولی 2022) لەسەرۆكایەتی زانكۆی راپەڕین، بەڕێز (پ.ی.د. پەیمان رەمەزان احمد) سەرۆكی زانكۆی راپەڕین، لەگەڵ سەرۆكی بەشە زانستییەكان و ستافی كۆلێژی زانستە ئەندازیارییە كشتوكاڵیەكان كۆبۆوە.

لەكۆبونەوەكەدا لەدوای گفتوگۆكردن دەربارەی كێشەو كەموكوڕییەكانی كۆلێژی زانستە ئەندازیارییە كشتوكاڵییەكان، سەرۆكی زانكۆی راپەڕین، جەختیكردەوە كە پشتیوانی تەواوی كۆلێژەكە دەبێت و كاری جدی دەكەن بۆ چارەسەركردنی كێشەو كەموكوڕییەكانی كۆلێژەكەو لەئێستاشدا كار بۆ رێكخستنەوەی ستافی كۆلێژەكە دەكرێت و لەچەند رۆژی داهاتوودا ستافی پێویست لەپسپۆڕی كشتوكاڵ بۆ كۆلێژەكە تەرخاندەكرێت.
لەتەوەرێكی دیكەی كۆبونەوەكەدا باس لەو كێشە داراییانە كرا كە بەشێوەیەكی گشتی روبەڕوی زانكۆكان بۆتەوە، و تەئكیدیشی لەسەر چارەسەركردنی كێشە داراییەكانی كۆلێژی زانستە ئەندازیارییە كشتوكاڵییەكان كردەوە.