سێنتەری زمان خولێکی ٣٥٠ کاتژمێری زمانی ئینگلیزی بۆ ئەفسەرانی کۆلێژی ئەرکان بە کۆتا گەیاند

ئەمڕۆ، ڕێکەوتی ٢٨ی ٩ی ، ٢٠٢٢، بە ئامادەبوونی بەڕێزان ڕاگری کۆلێژی ئەرکان، لیوا روکن سالار، و بەڕێوەبەری سەنتەری زمانی زانکۆی ڕاپەڕین، مامۆستا خالد، و بەڕێزان دکتۆر سەڵاح و مامۆستا سەردار و مامۆستا زولەیخا و ژمارەیەک لە مامۆستایانی کۆلێژی ناوبراو بۆنەی کۆتایی خولی ٣٥٠ کاتژمێری بۆ ئەفسەرانی کۆلێژی ئەرکان ئەنجامدرا و بە فەرمی خولەکە بە کۆتا گەیاندرا.

شایەنی باسە، ئەم خولە بەشێوەی هەماهەنگی لە نێوان سێنتەری زمانی زانکۆی ڕاپەڕین و کۆلێژی ئەرکان بەڕێوەچوو. لە خولەکەدا ٣٣ ئەفسەر بەشداربوون و بۆ ماوەی زیاتر لە ٣ مانگ، کە خۆی دەبینێتەوە لە٣٥٠ کاتژمێر، وانەی ئینگلیزیان خوێند. لە خولەکەدا ئینگلیزی گشتی و بە شێوەیەکی گشتی ئینگلیزی سەربازی خوێندراوە و ئاستی زمانی ئەفسەرانی بەشداربوو بەشێوەیەکی بەرچاو لە ماوەی کۆرسەکە پێشکەوتنی بەخۆیەوە بینی لە ڕێگەی چالاکی جۆراوجۆر و بەشداری ڕۆژانە و پریزێنتەیشن و نوسینی ڕاپۆرت و دیبەیت و ستۆری و زیاتریش.

لە کۆتایی بۆنەکەدا، لە لایەن ڕاگری کۆلێژی ئەرکان و بەڕێوەبەری سەنتەری زمان و مامۆستایانی خول بڕوانامەی تەواوکردنی خول بەسەر ئەفسەران دابەشکرا. لەبەرامبەریشدا ئەفسەرانی بەشداربوو سوپاس و پێزانینیان پێشکەش بە مامۆستایانی خول کرد.