ئەمڕۆ یەكشەممە (13 – 11 – 2022)، بەشی باخچەی ساوایان لەكۆلێژی پەروەردەی بنەڕەت لەزانكۆی راپەڕین، پێشوازیان كرد لەخوێندكاران و مامۆستایانی بەشی باخچەی منداڵان لەزانكۆی سەڵاحەددین و چالاكی هاوبەشیان ئەنجامدا.

سەرەتا لەهۆڵی چالاكییەكانی زانكۆی راپەڕین، لەلایەن سەرۆكی بەشی باخچەی ساوایانی زانكۆی راپەڕین، بەڕێز (د. روحسار محمد) كورتەیەك دەربارەی بەشی باخچەی ساوایان زانكۆی راپەڕین، پێشكەشكرا، دواتر چەند نمایشێكی شانۆییان پێشكەشی ئامادەبوان كرد.
هەر لەسەردانەكەدا خوێندكارانی بەشی باخچەی منداڵانی زانكۆی سەڵاحەددین بەزانكۆی راپەڕین ئاشناكران و سەردانی مەیدانیان بۆ چەند كۆلێژێك ئەنجامدا.