ئەمڕۆ 19ی ئاداری ٢٠٢٣، لەسەرۆکایەتی زانکۆی راپەڕین، (پ.ی.د. پەیمان رمضان احمد) و ژمارەیەک ئەندامی ئەنجومەنی زانکۆ پێشوازیان کرد لەوەفدێکی پەرلەمانتارانی فراکسیۆنی یەکێتی نیشتمانی کوردستان لە پەرلەمانی کوردستان.

وەفدەکە پێکهاتبو لەبەڕێزان لوقمان وەردی جێگری سەرۆکی فراکسیۆن و هەریەک لە ئەندامانی فراکسیۆن جەمال هەروتی و شیلان یونس و هێرش فقێ حسن.

لەکۆبونەوەیەکدا سەرۆکی زانکۆی راپەڕین بەگرنگیەوە باسی لەکارەکانی پەرلەمان و پەرلەمانتاران کردو سوپاسی هەوڵ و پشتیوانی فراکسیۆنی یەکێتی کرد لەپشتیوانیکردنی زانکۆی راپەڕیندا.

لەکۆبونەوەیەکدا وێڕای پیرۆزبایی دەستبەکاربونی سەرۆکی نوێی زانکۆی راپەڕین لەماوەی مانگەکانی رابردوودا، وەفدی میوان پشتیوانی تەواوی خۆیان بۆ زانکۆی راپەڕین دوپاتکردەوە.