ئەمڕۆ دوو شەممە (٢٤ی نیسانی ٢٠٢٣)، بەڕێز پڕۆفیسۆری یاریدەدەر د. پەیمان رمضان احمد سەرۆکی زانکۆ ڕاپەڕین بە یاوەری ژمارەیەك لەئەندامانی ئەنجومەنی زانکۆی راپەڕین بەشداریان کرد لە مەراسیمی (٤٩مین) ساڵیادی راپەڕین و بۆردومانی شاری قەڵادزێ و رۆژی شەهیدی زانکۆ، کە لە گۆڕستانی شەهیدان بەڕێوەچو.

(٤٩) ساڵ لەمەوبەر لەرۆژی (24/4/1974)دا فرۆکەکانی رژێمی بەعس بە چەکی (ناپاڵم)ی قەدەغەکراو شاری قەڵادزێ و زانکۆی سلێمانیان بۆردومانکرد و چەندین مامۆستاو خوێندكارو خەڵكی مەدەنی بریندار و شەهید كران.
هەشت ساڵ پاش ئەو کارەساتە، هاونیشتمانیانی شاری قەڵادزێ بۆ ئیدانەكردنی ئەو تاوانە نەگریسەی ڕژێمی پێشوو گردبوونەوەیەکیان ئەنجامدا بەڵام بۆ جارێکی تر و لەهەمان رۆژ لە (٢٤-٤-١٩٨٢) قەڵادزێ کەوتە بەر پەلاماری رژێمی پێشوو.
زانكۆی راپەڕین لەرۆژی (٣٠ی نیسانی ٢٠٢٣)دا سیمپۆزیۆمێكی زانستی بۆ بەرز راگرتن و شكۆمەندی راپەڕین و مەرگەساتی (٢٤ی ٤) و رۆژی شەهیدی زانكۆ لەكەمپەسی قەڵادزێی زانكۆی راپەڕین، رێكدەخات.