ڕۆژی شەممە ١٧ی حوزەیرانی ٢٠٢٣، بە ئامادەبوونی بەڕێزان (پ.ی.د. پێشەوا حمید)یاریدەدەری سەرۆکی زانکۆ بۆ کاروباری خوێندکاران و (م.ی. شایان عبدللە) بەڕێوەبەری بەڕێوەبەرایەتی چالاکی وەرزش و ڕۆشنبیری زانکۆی ڕاپەڕین و ژمارەیەک لە وەرزش دۆستان و چالاکانی بواری وەرزشی سنورەکە، یاری کۆتایی خولی فوتساڵی مامۆستایانی ڕانیە لە نێوان مامۆستایانی زانکۆی ڕاپەڕین و مامۆستایانی فێرگەی ڕانیە بەڕێوەچوو.

لە یارییەکەدا مامۆستایانی زانکۆی ڕاپەڕین توانیان ئاستێکی بەرز پێشکەش بکەن و ئەنجامی یارییەکە (٥-٠) لە بەرژەوەندی خۆیان یەکلایی بکەنەوە و ببنە پاڵەوانی خولەکە .
جێی ئاماژەیە خولەکە بۆ (١٣) تیپ لە زانکۆ و پەیمانگا و خوێندگاکانی سنوری ئیدارەی ڕاپەڕین لەلایەن ناوەندی وەرزش و لاوانی ڕانیەوە ڕێکخرابوو، لە کۆتایدا خەڵات بەسەر تیپە سەرکەوتووەکاندا دابەشکرا .