رۆژی 25/9/2014، لەهۆڵی كۆبوونەوەكانی فاكەڵتی پەروەردەی بنەڕەتی زانكۆی راپەڕین رێزنامە بەخشرایە بەشێكی زۆر لە كەناڵەكانی راگەیاندن لەبەرامبەر هاوكاریی و گرنگیدانیان بەزانكۆی راپەڕین.

لەمەراسیمی رێزلێنانەكەدا سەرەتا مامۆستا ئاراز رەمەزان بەڕێوەبەری پەیوەندییەكان، راگەیاندن و چاپەمەنییەكانی زانكۆی راپەڕین سووپاسی رۆژنامەنووسانی كرد كە رۆڵی گرنگیان هەبووە لەدروستبوونی زانكۆی راپەڕین و هەروەك سوپاسی هەوڵی رۆژنامەنووسانی ناوچەكەی كردو زەروریەتی بەشداریی و رۆڵی میدیاكارانیشی بەگرنگ زانی بۆ گەشەكردن و بەرەوپێشبردنی زانكۆی راپەڕین.
هەر لەمەراسیمەكەدا د. هێرش رەسوڵ یاریدەدەری سەرۆكی زانكۆ بۆ كاروباری خوێندكاران وتەیەكی پێشكەشكردو تێیدا ئاماژەی بەرۆڵی میدیاو میدیاكاران كرد كە رۆڵی بەرچاویان هەبووە لەكردنەوەی زانكۆی راپەڕین و هەروەك دەشتوانن شوێن دەست و رۆڵی پۆزەتیڤیان هەبێت لەبەرەوپێشبردنی زانكۆكەدا.
د. هێرش تیشیكی خستەسەر گرنگی گەشەپێدانی زانكۆ بۆ سنورەكەو تەئكیدی كردەوە كە زانكۆی راپەڕین ماڵی هەمووانەو بەهەمووانیش دەتوانین بەرەو پێشی بەرین.