لە چوارچێوەی بەرزکردنەوەی ئاستی دڵنیای جۆری لە خوێندنی باڵادا، وەزارەتی خوێندنی باڵا بە هەماهەنگی لەگەڵ ڕێکخراوی NVAOی هۆڵەندی خولێکی دوو ڕۆژەی چڕی بۆ ژمارەیەک ستافی زانکۆ حکومییەکان کردەوە و خولەکە لە زانکۆی سلێمانی لەلایەن هەردوو شارەزا و ڕاهێنەری ڕێکخراوی ناوبراو Michèle Wera و Yvonne Overdevest وترایەوە. ستافی زانکۆمان کە پێکهاتبوون لە بەڕێزان د. محمد أحمد و م. بێریڤان عبدالخالق و م. سەردار عبدالله لە خولەکە بەشداربوون.

لەماوەی خولەکە ستاندەرد و ڕێنماییە ئەوروپییەکان بۆ دڵنیایی جۆری و هەروەها هەردوو هەریەک لە جۆرەکانی دڵنیایی جۆری ناوخۆییInternal Quality Assurance و دەرەکی External Quality Assurance بە چڕی و بەشێوەیەکی کرداری تاتوێ کران.

لە کۆتایی خولەکەدا بڕوانامەی بەشداربوون پێشکەش بە هەریەک بەشداربووان کران.