بەپێی دوایین چاپی دامەزراوەی SCIMAGO بۆ پلەبەندی زانکۆکان، زانکۆی ڕاپەڕین بەشێوەیەکی بەرچاو پلەکانی لەسەر ئاستی عێراق و کوردستان هاتۆتەپێش. لەسەر ئاستی زانکۆ حکومییەکان لە پلەی دووەم دایە و ئەگەر زانکۆ ناحکومییەکانیش هەژمار بکرێن، ئەوا لە پلەی سێیەم دایە. لەسەر ئاستی عێراق لە پلەی سێزدەیەم دایە و ئەمە سەرەڕای بوونی لە چارەکی یەکەمی زانکۆکان واتا Q1 لە ڕیزبەندییەکەدا.

لێرەوە بەپێویستی دەزانین سوپاسی تەواوی ستافی ئەکادیمی و کارگێری و خوێندکارانمان بکەین لە هەمبەر بەرەوپێش بردنی زانکۆ لە تەواوی ڕیزبەندییە جیهانییەکان. بەهیوای ئەوەی ستافی زانکۆ زیاتر و زیاتر هەوڵەکانیان چڕ بکەنەوە و زانکۆ ببنە ئاستی باڵاتر.