ڕۆژی چوارشەممه ڕێکەوتی ٨ی تشرینی دووەمی ٢٠٢٣، بەشی ئەندازیاری شارستانی لە زانکۆی ڕاپەڕین ئیڤێنتێکی زانستی بۆ خوێندکارانی قۆناغی یەکەم ڕێکخست .

کە چەندین چالاکی جۆراوجۆری زانستی و تەرفیهی لەلایەن مامۆستایان و خوێندکارانی بەشەکەوە پێشکەشکران، وەک خستنەڕووی چەند سیمینارێک بەناونیشانی( دەڤەری ڕاپەڕین و شوێنە گەشتیارییەکانی) ،( ناساندنی زانکۆی ڕاپەڕین و سەرجەم کۆلێژ و بەشەکانی)، ( چەند ئامۆژگاریەک بۆ سەرکەوتن لە بەشی ئەندازیاری شارستانی)، ( ناساندنی سەرجەم ستافی ئەکادیمی و کارگێڕی بەش).

جێی ئاماژەیە، مەبەست لە ڕێکخستنی ئیڤێنتەکە، ئاشناکردنی خوێندکارانی تازە وەرگیراوی بەشەکەبوو بە کەمپەسی زانکۆی ڕاپەڕین و مامۆستایان و سیستمی خوێندن و دەڤەرەکە بەگشتی .

لە کۆتاییدا، نیوەڕۆخوانێک بۆ سەرجەم مامۆستایان و خوێندکارانی بەشەکە سازکرا، پاشان گەشتێک بۆ چەند شوێنێکی گەشتیاری دەڤەرەکە بۆ خوێندکاران ڕێکخرا