ئەمڕۆ سێ شەممە بەرواری ١٤ی تشرینی دووەمی ٢٠٢٣، بە ئامادەبوونی بەرێز (پ.ی.د. پێشەوا حمید)یاریدەدەری سەرۆکی زانکۆ بۆ کاروباری خوێندکاران و بەڕێز(پ.ی.د. هەژارقادر)یاریدەدەری سەرۆکی زانکۆ بۆ کاروباری زانستی و بەڕێز(پ.ی.د. ساکار محمد) ڕاگری کۆلێژی پەروەردەی بنەڕەت و (م.ی. شایان عبداللە ) بەرێوەبەری بەڕێوەبەرایەتی چالاکی وەرزشی ڕۆشنبیری و ژمارەیەک لە مامۆستان و خوێندکارانی زانکۆ، یاری کۆتایی خولی تێنسی سەر مێزی مامۆستایانی زانکۆی ڕاپەڕین بەڕێوەچوو.

یاری کۆتایی خولەکە، لە نێوان هەردوو مامۆستا(پێشەوا بابکر) لە بەشی باخچەی ساوایان و مامۆستا (احمد حمەسور) لە بەشی ئینگلیزی ئەنجامدرا، یاریەکەش لەبەرژەوەندی مامۆستا (پێشەوا بابکر) بە ئەنجامی سێ گێمی بێ وەڵام کۆتایی هات، دواتر خەڵات بەسەر هەردوو یاریزان و ناوبژیوانانی خولەکە دابەشکرا.

جێی ئاماژەیە، خولەکە لەلایەن بەڕێوەبەرایەتی چالاکی وەرزش و ڕۆشنبیری زانکۆ ڕێکخرابوو، کە تیایدا (١٦)یاریزان بەشدابوون، یاریەکانی خولەکە بەشێوازی دوو دۆڕان کرانە دەرەوە بەڕێوەچوون .