كۆنگرەی نێودەوڵەتی، ژن و سیاسەت لەسەردەمی جیهانگیریدا
١٦-١٧/٤/٢٠١٥
شوێن: توركیا/زانكۆی ئایدنی ئیستەنبول /كەمپەسی فلۆریدا
بانگهێشتنامە (راگەیاندنی كۆنگرە)
لەبەرواری ١٦-١٧/٤/٢٠١٥، زانكۆی ئایدنی ئیستەنبوڵ هەڵدەستێت بەئەنجامدانی كۆنگرەیەكی نێودەوڵەتی لەژێر ناونیشانی "ژن و سیاسەت لەسەردەمی جیهانگیریدا".

مەبەستی سەرەكی كۆنگرەكە بریتییە لەتیشكخستنەسەر بەراوردكارییە هەمەجۆرو نێودەوڵەتییەكان سەبارەت بەهەردوو بابەتی "ژن" و "سیاسەت" لەڕێی خستنەڕووی توێژینەوەو تێڕوانین و گفتوگۆی جیاوازی زاناو توێژەرە بەشداربووەكانی ناوچە جۆربەجۆرەكانی جیهان و توركیا.
لەكۆنگرەكەدا تیشك دەخرێتە سەر شوێن و پێگەی ژن لەناو كایەكانی خێزان، یاسا، زانست، هونەر، سیاسەت، كەلتورو ئابوری كۆمەڵایەتی بەدرێژایی سەردەمە جیاوازەكان لەرێی ئەو توێژینەوە هەمەجۆرو فرە رەهەندانەی لەسەرانسەری جیهان و توركیا ئەنجامدراون سەبارەت بەژن و پێگەی ژن لەكایە جۆراوجۆرەكانی ژیاندا. كۆنگرە نێودەوڵەتییەكە ،كە ئەكادیمیی و توێژەران كۆدەكاتەوە، پێشبینیدەكرێت بەشداریبكات لەبەرهەمهێنانی زانیاری زانستی و دەروازەیەكیش بێت بۆ دەركەوتنی بیرۆكەی نوێ. بۆ چۆنییەتی نوسینی توێژینەوە، پێشەكییەك پێویستە كەتیایدا بابەت و بواری توێژینەوە و سەرچاوە بەكارهاتووەكان و بەشداری زانستیی توێژینەوەكە بخرێتەوەڕوو.
بابەتەكانی كۆنگرە پێویستە لەیەكێك لەم بوارانەی خوارەوەبێت، هەرچەندە بابەتی تری هەمەجۆر پەسەندە بەمەرجێك لەچوارچێوەی بەرنامەی كۆنگرەكە دەرنەچێت:
*ژن و دامەزراوە سیاسییەكان (ژن لەیاسادانان، حكومەتە خۆجێییەكان)
*ژن و دامەزراوە نا سیاسییەكان (رێككخراوەكانی ژنان و NGOكان)
* ژن و بزوتنەوە شۆرشگێرییەكان
*ژن و هەلی كار (ماف و دەستكەوتی یەكسان)
*ژن، كارو خێزان ( سیاسەت، هەلومەرج و بارودۆخ)
*سیاسەتی لەباربردنی منداڵ
*جێندەر، پەرەپێدان و رێكخراوە نێودەوڵەتییەكان (CEDAW,UN)
*ژن و ئابوری جیهانی
*ژن و تەندروستی
*ژن و خوێدن (مافی یەكسان، هاوسەرگیری منداڵ)
*ژن و دەستدرێژی سێكسی لەكاتی جەنگدا
*ژن و سەربەخۆیی جەستەیی (خەتەنەكردنی كچ، پشكنینی پاكیزەیی)
*توندوتیژی ناوخۆیی (مافەكانی ژن، منداڵ و پیاو)
تێبینی/ پێویستە توێژینەوە بەزمانی ئینگلیزی یان توركی بێت.
دواكات بۆ پێشكەشكردنی داواكاری:١٢/١٢/2014
* دەتوانن لەرێگەی لینكانەی خوارەوە زیانیاری زیاتر وەرگرن: Tel: +90 212 444 14 28
Fax: +90 212 425 57 50
E-mail: ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.
Web: www.aydinwomen.com لە ئینگلیزیەوە،
سیروان حسن