رۆژی یەك شەممە ڕێكەوتی٧/ ١٢/ ٢٠١٤  ڕێكخراوی ئاڤیاری هۆشیاری ژینگە خولێكی دوو ڕۆژی  (هۆشیاری ڕێ نیشاندەری ژیان) بۆ فەرمانبەرانی زانكۆی راپەڕین كردەوە، لەخولەكەدا ٢٧  فەرمانبەرانی زانكۆی ڕاپەڕین و نوێنەری فەرمانگەی ژینگەی ڕاپەڕین بەشدار بوون و ماوەی دوو ڕۆژی خایاند .

 سەبارەت بەكردنەوەی ئەم خولە لەزانكۆی ڕاپەڕین بەڕێز (د.صباح رشید ) یاریدەدەری سەرۆكی زانكۆ بۆ كاروباری زانستی و خوێندنی باڵا وتی : كردنەوەی خولی لەم جۆرە بۆ فەرمانبەران زانكۆ بەپێویستی دەزانم ، هیواردارم لەسەرجەم بوارە جیاوازەكان خولی لەم جۆرە بكرێتەوە نەك هەر تەنیا بۆ فەرمانبەران بەڵكو بۆ خوێندكارانیش، بەئامانجی پاك ڕاگرتنی ژینگەی زانكۆمان و تەندروستییەكی سەلامەت بۆ هەموو لایەكمان .

لەبارەی ئامانجی كردنەوەی خولەكە ئاسۆ شكاك بەرپرسی ڕێكخراوی ئاڤیاری هۆشیاری ژینگە وتی :  ئامانجی ئێمە لەكردنەوەی ئەم خولە هۆشیاركردنەوەی فەرمانبەرانی زانكۆ و تاكەكانی كۆمەڵگایە، تا لەم ڕێگەیەوە هەم ژینگەی زانكۆكان و هەم ژینگەی وڵاتمان بپارێزین، لەكۆتاییدا بڕوانامەی بەشداریكردن بەخشرایە سەرجەم فەرمانبەرانی بەشداربوو لە خولەكە.

ڕێكخراوی ئاڤیاری هۆشیاری ژینگە لەساڵی ٢٠١٣ دامەزراوە ، ئەم ڕێكخراوە هەمامەنگی لەگەڵ وەزارەتی خوێندنی باڵاوتوێژینەوەی زانستی هەیە ، پێشوتر خولی لەم جۆرەی لەچەند زانكۆیەكی تری هەرێمی كوردستان كردوووەتەوە.