بەخۆماڵیكردنی دۆمەینی ماڵپەڕە حكومی و دەزگا رەسمییەكانی هەرێمی كوردستان كەوتۆتە بواری جێبەجێكردنەوەو سەرۆکایەتی ئەنجومەنی وەزیران بە نووسراوی ژمارە (٨٤٦٥) لە بەرواری ٢٤/١٢/٢٠١٤ داوای لە وەزارەتی خوێندنی باڵا و توێژینەوەی زانستی کردووە کەوا سەرجەم زانکۆ و پەیمانگاکان دۆمەینی تایبەت لەژێر دۆمەینی ڕیزبەندی یەکەمی کوردستان (edu.krd.) بەکاربهێنن. سەرجەم زانکۆ و پەیمانگاکانی کوردستان دەتوانن هەماهەنگی لەگەڵ فەرمانگەی تەکنەلۆجیای زانیاری کوردستان بکەن بە مەبەستی دابینکردنی دۆمەینی تایبەتیان.

زانكۆی راپەڕین وەك یەكەم زانكۆی حكومی لەهەرێمی كوردستان دۆمەینی كوردی بۆ دانرا، كە پێشتر دۆمەینی وێب سایتی زانكۆی راپەڕین (www.raparinuni.org)بوو و ئێستا كراوە بە ( www.raparin.edu.krd ) كە لەلایەن فەرمانگەی تەكنۆلۆژیای زانیاری ئەنجومەنی وەزیرانەوە دانراوە.

فەرمانگەی تەکنەلۆجیای زانیاری لە ڕێگەی وەزارەتی خوێندنی باڵاو توێژینەوەی زانستی سەرەتا زانکۆ و پەیمانگاکانی هەڵبژارد وەکو دەزگایەکی پەروەردەیی باڵا و پێشەنگ لە هەرێمی کوردستان بۆئەوەی ببن بە خاوەنی دۆمەینی تایبەت لەژێر دۆمەینی ڕیزبەندی یەکەمی کوردستان.

 لەئێستادا فەرمانگەی تەکنەلۆجیای زانیاری ئەم دۆمەینە بۆ هەریەک لە زانکۆی ڕاپەڕین (www.raparin.edu.krd )و زانکۆی ئەمریکی لە دهۆک (www.audk.edu.krd ) دابینکردووە. 
لەڕێگەی پەیوەندی و هەماهەنگی کردن لەگەڵ فەرمانگەی تەکنەلۆجیای زانیاری ، سەرجەم زانکۆ و پەیمانگاکانی کوردستان دەتوانن خۆیان تۆمار بکەن بۆ دابینکردنی دۆمەینی (edu.krd.).

• ژمارەی مۆبایل : 07504650871 / 07504568918  
• ئیمەیل: ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

فەرمانی ئەنجومەنی وەزیران