لەچوارچێوەی پڕۆژەو کارەکانی بەڕێوەبەرایەتی پەیوەندییەکان و راگەیاندنەوە بۆ یەکەمجار زانکۆی راپەڕین بەپێی ریزبەندی ماڵپەڕی www.alexa.com پلەبەندی ژمارە (٥)ی لەسەر ئاستی زانکۆکانی کوردستان پێبەخشرا،

ھەروەک بۆ ھەمان ساڵی ٢٠١٥ زانکۆی راپەڕین خرایە ناو ریزبەندی ویبۆ ماتریکس-ەوەو پلەبەندی ٤٤ی پێدرا. ئاراز رەمەزان بەڕێوەبەری بەڕێوەبەرایەتی پەیوەندییەکان و راگەیاندن بەماڵپەڕی زانکۆی راپەڕینی راگەیاند alexa.com کۆمپانیایەکی سەربەخۆی ئەمریکییەو بەشی دووەمی کۆمپانیای ئەمازۆنەو تایبەتە بەکۆکردنەوەی داتای وێب، ھەروەک لەسەر ئاستی جیھان بۆ دیاریکردنی رانک یاخود ریزبەندی ماڵپەڕەکان پشتی پێدەبەسترێت، لەدوا ریزبەندی ئەم کۆمپانیایەدا بۆ زانکۆکانی ھەرێمی کوردستان و لەناو زانکۆ حکومییەکاندا زانکۆی راپەڕین پلەبەندی ژمارە (٥)ی پێبەخشراوە، وتیشی: ھەر لەماوەی رابردوودا لەرێی بەڕێوەبەرایەتییەکەیانەوە پەیوەندییان کردووە بەستافی ویبۆ ماتریکس-ەوەو لەبەرامبەریشدا زانکۆی راپەڕین بۆ ساڵی یەکەم خراوەتە ناو ریزبەندی زانکۆکانی جیھان و لەسەر ئاستی زانکۆکانی عێراق و ھەرێمی کوردستانیش زانکۆی ڕاپەڕین پلەبەندی ژمارە ٤٤ی پێبەخشراوە. وتیشی: لەئایندەیەکی نزیکدا سیستەمی ریزبەندی زانکۆکانی ئۆراسیا رادەگەیەنرێت کە لەئێستادا لەرێی یەکێتی زانکۆکانی ئۆراسیا کە زانکۆی راپەڕین ئەندامی ھەمیشەیی ئەو یەکێتیەیە کاری لەسەر دەکرێت و زانکۆی راپەڕین-یش لەڕێگەی ھەردوو بەڕێوەبەرایەتی پەیوەندییەکان و پڕۆگرامەکانی زانکۆوە وردەکاری و داتاو ئاماری وردی زانکۆی بۆ یەکێتی زانکۆکانی ئۆراسیا ناردووەو وابڕیارە لەداھاتوویەکی نزیکدا ریزبەندییەکە بۆ یەکەمجار رابگەیەنرێت و زانکۆی راپەڕینیش لەریزبەندییەکەدا دەبێت، ھەروەک ریزبەندی زانکۆکانی ئۆراسیا ھاوشێوەی ریزبەندی تایمز و شەنگەھای دەبێت کە دوو سیستەمی باوەڕپێکراوو ئەکادیمی ریزبەندی زانکۆکانی جیھانن. بۆ زانیاری زیاتر سەردانی لینکەکان بکەن: http://inkurdish.com/topuniv.php?t=kpb

http://www.webometrics.info/en/aw/Iraq