پێگەی ئەلکترۆنی ئەلەکسا (alexa.com) بڕواپێکراوترین سەرچاوە بۆ دەستنیشانکردنی ریزبەندی ماڵپەڕەکان لەسەرتاسەری جیھان. بەپێی ئەو پێگە ئەلکترۆنیە ماڵپەڕی زانکۆی راپەڕین لەئێستا لەریزی 332,863 ی جیھاندایەو لەسەر ئاستی عیراقیشدا لەریزبەندی 370 دایەو لەناو زانکۆکانی کوردستانش لەریزبەندی 2 دایە.

مامۆستا ئاراز رەمەزان بەڕێوەبەری بەڕێوەبەرایەتی پەیوەندییەکان و راگەیاندن و چاپەمەنییەکان پێیڕاگەیاندین: بەڕێوەبەرایەتی پەیوەندیەکان و راگەیاندن و چاپەمەنیەکان ھەوڵی بەردەوامی داوە بۆ بەرزکردنەوەی ئاست و پێگەی زانکۆمان لەبوارە جیاوازەکاندا کە یەکێک لەو بوارە ھەرە سەرکەوتوانە ناساندنی کارو چالاکیەکانی زانکۆی ڕاپەڕین لەرێگای ماڵپەڕی زانکۆ بووە وەک سەرەکیترین رێگا بۆ نیشاندانی ھەوڵ و تێکۆشانی زانکۆمان لە ھەمو بوارەکاندا، ئاماژەی بۆئەوەشکرد کە لەئێستادا زانکۆی راپەڕین ماڵپەڕی کوردی بەکاردەھێنێت و یەکەم زانکۆی حکومیش بوو کە توانی دۆمەینی edu.krd لەئەنجومەنی وەزیران وەربگرێت و بەکاریبھێنێت، ھەروەھا لەمانگی نیسانی ئەمساڵی بەپێی وێب سایتی ئەلێکسا ماڵپەڕی زانکۆی راپەڕین لەریزبەندی دووەمی زانکۆکانی کوردستاندایە.
وتیشی: لێرەوە دەستخۆشی لەھەموو ئەو بەرێزانە دەکەم کە بەردەوامن لە ھاوکاریکردنی زانکۆمان بۆ پێشخستنی ئاستی خوێندن و گەشەکردنی زانکۆمان و بەتایبەت ھۆبەی وێب سایت و داتابەیس و ستافی پەیوەندییەکان و راگەیاندن کە توانیویانە لەماوەیەکی کەمدا رانکی وێب سایتی زانکۆمان بەرەوپێشچوونێکی گەورە بەخۆیەوە ببینێت و رانکی زۆر بەرزبێتەوە بەبەراورد بەماڵپەڕە ئەکادیمییەکانی دیکەی کوردستان و عێراق.

http://www.alexa.com/siteinfo/www.raparinuni.org