لەدواین ژمارەی جۆرناڵی نێودەوڵەتی  (The HOLOCENE Journal)، مامۆستایەکی زانکۆی راپەڕین لەمانگی تەمموزی ٢٠١٥دا بە هاوبەشی لەگەڵ تیمێک توێژەری نێودەوڵەتی توێژینەوەیەکی زانستی بەناوی بەشی جوگرافیای زانکۆی ڕاپەڕین بڵاو کردەوە

 سەرکار حمد ، کە مامۆستای زانکۆی راپەڕینەو سەرۆکی بەشی جوگرافیایە، لەمانگی ٢٠١٥/٧دا توێژینەوەیەکی لەجۆرناڵی نێودەوڵەتی The HOLOCEN Journal بڵاوکردەوە کە گۆڤارەکە لەلایەن دامەزراوەی     SAGE Journals  بڵاو دەکرێتەوە. ئەم گۆڤارە یەکێکە لە گۆڤارە بەناوبانگەکان لە بواری زانستی جوگرافیا و خاوەن impact factor کاریگەریەکی بەرزە و تەنها تویژینەوەی  رەسەن و ئاست بەرز بڵاو دەکاتەوە. توێژینەوەکە بەناونیشانی (بەرزبوونەوەی پێشوەختی ئاستی ئاوی دەریای قەزوین لەسەردەمی چاخی بەستەڵەکی بچوکدا و کاریگەریەکانی لەسەر ژینگە و دانیشتوان) شایەنی باسە ئەم توێژینەوەیە بە دەرئەنجامێکی نوێ گەیشتووە و هاوبەشیەکی بەرچاو دەکات لە روونکردنەوەی کاریگەریەکانی چاخی بەستەڵەکی بچوک لەسەر ژینگە و دانیشتوان.