بەڕێزان: خوێندکاران و مامۆستایانی خۆشەویست

سڵاوی زانست...

 بەبۆنەی دەستپێکی ساڵی تازەی خوێندنی ٢٠١٥ – ٢٠١٦، گەرمترین پیرۆزبایی زانستتان ئاڕاستە دەکەم، ھیواخوازم ئەمساڵی خوێندن ببێتە ساڵێکی پڕ ئارامی بۆ کوردستانەکەمان و رزگارکردنی سەرجەم ناوچە کێشە لەسەرەکان و کۆتایی ھێنان بەشەڕی نەگریسی تێرۆر کە بەرۆکی وڵاتەکەمانی گرتووە، داواتان لێدەکەم بۆ رێزگرتن لەخوێنی گەشی شەھیدە سەربەرزەکانمان بەیەک دەستەو تیم و گروپ، دەست لەناودەست بین بۆ سەرخستنی پڕۆسەی خوێندن لەوڵاتەکەمانداو بەتایبەتی لەزانکۆکانداو زانکۆمان.

لێرەوە جارێکی دیکە پیرۆزبایی ئاڕاستەی سەرجەم خوێندکاران و مامۆستایانی زانکۆمان دەکەم و ھیوای ساڵێکی پڕ لەسەرکەوتنتان بۆ دەخوازم.

پ.د.محمد علی عبداللە

سەرۆکی زانکۆی راپەڕین