ڕۆژی ٢٠١٦/٥/٢٧ سەنتەری توێژینەوەی سیاسەتی کۆمەڵایەتی زانکۆی میدڵ_سەکس لەوڵاتی بەڕیتانیا بە هاوکاری پەیمانگای بەریتانی بۆ خوێندنی عێراقی، کۆنفرانسێک بۆ کۆچی کوردان سازدەکەن، توێژەران و مامۆستایان له‌ زانکۆکانی کوردستان دەتوانن بەشداری لە کۆنفرانسەکەدا بکەن، ئامانج لە سازدانی ئەم کۆنفرانسە کۆکردنەوەی توێژەرانە لە بوار و پسپۆڕییە جیاجیاکاندا کە لەسەر کوردانی تاراوگە کاردەکەن، تا بتوانن ئاڵوگۆڕی توێژینەوە و دۆزینەوە نوێکانیان و شارەزایەکانیان دەربارەی هۆکارەکانی کۆچی کوردان لە وڵاتی خۆیانەوە بۆ وڵاتانی دیکە و بەپێچەوانەوە گەڕانەوە بۆ وڵات تاوتوێ بکەن و پێشکەشی بکەن .

چۆنێتی پێشكەشكردنی پوختەی توێژینەوەكه:

داوا لە توێژەران و مامۆستایانی زانکۆ دەکەین كه بەشداری كۆنفرانسەكه بكەن و هاوكار بن، لەرێگەی پێشكەشكردنی پوختەی كار و توێژینەوەكانیان. چوارچێوەی كاری كۆنفرانسەكه كه دەربارەی كێشەكانی كۆچی كوردانه لەخاكی خۆیانەوه بۆ وڵاتانی دیكەو بەپێچەوانەشەوه گەرانەوەیانه بۆ نیشتیمان.
چۆن توێژینەوە و بیرۆكەكانت پێشكەش دەكەیت بۆ پەسەندكردن:

پێویستە پوختەی توێژینەوە و بیرۆكەكانتان "بەزمانی ئینگلیزی" بێت، له (300) وشه زیاتر نەبێت، لەرێگەی ئەم لینكەوه توێژینەوە و بیرۆكەكانتان پێشكەش بکەن:

http://www.mdxmigration.wordpress.com/kurdishconference2016

تێبینی:

بۆ بەشداریكردن لەو كۆنفرانسه هیچ بڕه پارەیەك وەرناگیرێت بەڵام سەرجەم كەس و لایەنی بەشدار دەبێت خۆیان خەرجی و رێوشوێنی مانەوەیان و گەشتكردنیان لەئەستۆ بگرن.

كاتەكانی پێشكەشكردن و كۆتایی هاتن:

 - كۆتا كاتی پێشكەشكردنی پوختەی بیرۆكەو توێژینەوەكان ٢٠١٦/٢/١

- كاتی وەرگرتنەوەی وەڵامی پرۆژه پەسەندكراوەكان ٢٠١٦/٢/١٩

- كاتی بەستنی كۆنفرانسەكه ٢٠١٦/٥/٢٧

بۆ زانیاری زیاتر دەبارەی کۆنفرانسەکە کلیک لێرە بکە