سەرۆکی زانکۆی راپەڕین (پ.ی.د. موفق خالد ابراھیم) لەپەیامێکدا پیرۆزبایی لەو کاندیدانەی زانکۆی راپەڕین دەکات کە لەخوێندنی باڵا لەزانکۆی راپەڕین و زانکۆکانی تر وەرگیراون.
ھەر لەپەیامەکەدا ھیوای سەرکەوتن بۆ ئەو کاندیدانە دەخوازێت بۆ رەوەندەکانی داھاتوی خوێندنی باڵا لەھەرێمی کوردستان، سەرۆکی زانکۆی راپەڕین لە پەیامەکەیدا سوپاس و پێزانینی ئاڕاستەی ئەو زانکۆیانە کردوە کە کورسی خوێندنیان بۆ زانکۆی راپەڕین تەرخانکردوە.

دەقی پەیامەکەی سەرۆکی زانکۆ:

دوای هەوڵ وماندوبونی ستافێکی شارەزا لە وەزارەت وزانکۆکان، ئەمڕۆ ئەنجامی خوێندنی باڵا ڕاگەیەندرا، لؽرەوە دەمەوێ سوپاسی سەرجەم ئەو زانکۆیانە بکەم کە هاوکارمان بوون لە دابینکردنی کورسی خوێندن، سوپاس بۆ ستافی وەزارەت، وە پیرۆزبایی لەو مامۆستاو فەرمانبەرانەمان کە چانسی وەرگیرانیان هەبو، وە هیوای چانسێکی باشتر بۆ ئەوخۆشەویستانەی لەم خولەدا نەیانتوانی کورسی خویندن مسۆگەر بکەن.
ناوی ئەو زانکۆیانەی ھاوکاری زانکۆی راپەڕین بون بە تەرخانکردنی کورسی خوێندن:

زانکۆی سلێمانی
زانکۆی صلاح الدین
زانکۆی چەرمۆ
زانکۆی کۆیە
زانکۆی سۆران
زانکۆی دهۆک
ز.پۆلیتەکنیکی سلێمانی
ز.پۆلیتەکنیکی هەولێر
زانکۆی هەولێری پزیشکی
زانکۆی گەرمیان

پ.ی.د. موفق خالد ابراھیم
سەرۆکی زانکۆی راپەڕین
٤ی ئاداری ٢٠٢٠