ئەمڕۆ (11 -11 -2020) پێشانگایەکی هاوبەشی شێوەکاری بۆ شێوەکارانی کوردستان، لەژێر ناونیشانی تابلۆی ڕەنگەکان لەئامێزی پایزدا، لەلایەن بەڕێوەبەڕایەتی رۆشنبیری و هونەری ڕاپەڕینەوە كرایەوە.

لەرێورەسمی كردنەوەی پێشانگاكەدا سەرۆكی زانكۆی راپەڕین، بەڕێز (پ.ی.د. موفق خالد ابراهیم) بەیاوەری بەڕێزان (مەلا ئاری) ئەندامی سەركردایەتی و لێپرسراوی مەڵبەندی (24)ی راپەڕین و (حسێن محمود) قایمقامی رانیە و ژمارەیەك لەلێپرسراوانی فەرمانگە حكومی و حزبیەكان و هونەرمەندان و هونەردۆستانی سنورەكە، بەشداربوون.
لەبەشێكی تری پێشانگاكەدا کارو بەرهەمی شێوەکارانی بەشداربوو سەرنجی میوانانی ڕاکێشا و هیوایان خواست کە بەردەوامی بەو چالاکیە هونەری و ڕۆشنبیریانە بدرێت و هەم بۆ دەرخستنی توانا و بەهرەی هونەرمەندان و هەم وەک پاڵپشتی و پشتیوانیەک بۆ هونەرمەندانی دەڤەرەکە.