ئەمڕۆ دو شەممە (18ی ینایری 2021)، كاتژمێر (11)ی پێشنیوەڕۆ لەهۆڵی چالاكییەكانی زانكۆی راپەڕین، بەئامادەبونی ژمارەیەك لەئەندامانی ئەنجومەنی زانكۆی راپەڕین، بڕوانامەی ڕێکخراوی ئایریکس بەخوێندکارانی سەرکەوتووی پڕۆگرامی ڕاهێنانی تواناکانی بچوک کراوە ( (Micro Internship بەخشرا.

رێوڕەسمی بەخشینی بڕوانامەكان لەلایەن بەڕێوەبەرایەتی سەنتەری گەشەپێدان بۆ كار رێكخرابوو. ئەو کۆمپانیا و دامەزراوانەی کەرتی تایبەت کە خوێندکارانی زانکۆمان خولی ڕاهێنانی تواناکانیان تیادا بینیوە بۆ ساڵی ٢٠٢٠بریتین لە:
١- پڕۆگرامی گەشەپێدانی ئەکادیمی بۆ کار لەلایەن ئایرێکس
٢-پڕۆگرامی فێربونی شێوازەکانی وانەوتنەوە بەسودوەرگرتن لەتەکنەلۆجیا لەلایەن پەیمانگای وشە بۆ فێربونی زمانە بیانیەکان-ڕانیە
٣-پۆگرامی تایبەت بەهێڵەکانی پەیوەندی لەلایەن کۆمپانیای ئاسیاسێڵ
لێرەوە سەرجەم خوێندكارانی سەركەوتووی پڕۆگرامەکە ئاگادار دەكەینەوە كە لە مەراسیمەكە ئامادەبن، بۆ وەرگرتنی بڕوانامەكانیان.