ھێدی ابوبکر ابراھیم كە دانیشتوی شارۆچكەی حاجیاوایەو خوێندكاری قۆناغی دووەمی بەشی عەرەبیە لەكۆلێژی پەروەردە لەكەمپەسی قەڵادزێ و توانیویەتی ئەپێك بۆ فێربوونی زمانی عەرەبی بەناوی (kpclass) دروست بكات. هێدی دەڵێت: خولیاو پلانی داھاتووم کارکردنە بۆ پێشخستنی ئاستی خۆم و زانکۆکەم و وڵاتەکەم، گەیاندنی ناوی خۆم وەک داھێنەرو زانستخواز و ناوی زانکۆکەم وەک ناوەندێکی چالاکی داھێنان و پێشکەوتن بەدنیا و لیستی ریکۆردەکانی جیھان

و گووگڵ و پڕۆپۆزەڵیشم هەیە بۆ بەئەلیکترۆنیکردنی کتێبخانەکانی زانکۆی ڕاپەڕین و دروستکردنی سیستمی لۆکەیشن بۆ زانکۆی ڕاپەڕین. ئاماژەی بەوەشدا كەلە مانگی ئاداری ئەمساڵدا ئەپێکی دروستکردووە بۆ فێربونی زمانی عەرەبی بەناوی « kpclass » دوای کارکردنێکی زۆر و ھەوڵێکی بێوچان بۆ پێشخستنی زیاتری ئەپەکەی و تەواوبونی کارەکانی راپۆرتی کارکردنی نارد بۆ گووگڵ دوای پەسەندکردنی فۆڕمی ڕێپێدانی کارکردنی بۆ گەڕایەوە، وتیشی: ئێستا سەرقاڵی دروستکردنی فەرهەنگێكم کە کارەکانی لە قۆناغی کۆتاییدان و ھەموو سیستمە پێویستەکان لە ھەردوو ئەپەکەدا بەردەستە وەکو سیستمی ڤۆیس - سیستمی سکان - سیستمی کامێرا - سیستمی ئیمەیڵ و ئاڵوگۆڕی زانیاری - سیستمی ئۆتۆ ڤێرژن.

لەچەند رۆژی رابردوودا بەڕێز (پ.ی.د. موفق خالد) سەرۆکی زانکۆی راپەڕین، پێشوازی لەخوێندكار ھێدی ابوبکر كرد، و خۆشحاڵی خۆی دەربڕی کە خوێندکارانی زانکۆمان هەمیشە پێشەنگن و هەوڵیانداوە ئەو شارەزاییەی لەخوێندندا بەدەستی دەهێنن بەشێوەیەکی کرداری بیخەنە خزمەتی کۆمەڵگاکەیان.