وەک پاڵپشتی لەخەباتگێڕانی کورد لە کۆبانێ ئەمڕۆ ڕێکەوتی ١٤/ ١٠ / ٢٠١٤ سەعات (٩:٣٠) بەیانی لە کەمپی نوێی زانکۆی ڕاپەڕین لە ڕانیە و فاکەڵتی پەرەوەردە لە قەڵادزێ گردبونەوەیەک سازکرا. لەگردبونەوەیەکەدا سەرجەم مامۆستایان و فەرمانبەران و خوێندکاران بەشداربوون و بەچەندین دروشم پشتگیری خۆیان بۆ خەباتگێڕانی کورد لە کۆبانێ نیشاندا، لە گردبونەوەکەدا د. حسێن غازی سەرۆکی زانکۆی راپەڕین بە وەکالەت وتەیەکی پێشکەشکرد تیایدا باسی ئازایەتی و خۆڕاگری هێزی پێشمەرگەی کوردستان و شەڕڤانانی کۆبانی کرد و ئاماژەی بۆ ئەوەش کرد کە کورد لە جیاتی هەموو جیهان ڕووبەڕووی تیرۆر دەبێتەوە ، دواتر د. ئاراس عبدالرحمن مامۆستا لە بەشی مێژوو بە هۆنراوەیەک پشتگیری خۆی بۆ بەرخۆدانی کۆبانی دوپاتکردەوە .

 بەبۆنەی دەستپێكردنی ساڵی تازەی خوێندنی (٢٠١٤ - ٢٠١٥) بەناوی سەرۆكایەتی زانكۆی ڕاپەڕینەوە جوانترین پیرۆزبایی لەگشت مامۆستایان و فەرمانبەران و خوێندكارانی زانكۆمان دەكەین هیوادارین ساڵی نوێی خوێندن ساڵی سەركەوتن و گەیشتن بەئاستێكی زیاتری زانستی و پەروەردەیی بێت بۆ گشت لایەك.

وه‌زاره‌تی خوێندنی باڵا و توێژینه‌وه‌ی زانستی ڕایده‌گه‌ێنێت, كه‌ له‌ڕۆژی دووشه‌ممه‌وە ، ڕێكه‌وتی (٢٠١٤/١٠/١٣)ه‌وه‌ له‌ به‌ڕێوه‌به‌رایه‌تی گشتی په‌روه‌رده‌كانی (سلێمانی, هه‌ولێر, دهۆك) ده‌ست ده‌كرێت به‌دابه‌شكردنی (ڕێبه‌ر)ی وه‌رگرتنی خوێندكاران له‌ زانكۆ و په‌یمانگه‌كانی هه‌رێمی كوردستان به‌سه‌ر ده‌رچوانی پۆلی دوانزه‌ی ئاماده‌یی خولی یه‌كه‌م.

هه‌روه‌ك دوای ڕاگه‌یاندنی ئه‌نجامی خولی دوه‌می تاقیكردنه‌وه‌كانی دوانزه‌ی ئاماده‌یی, ڕاسته‌خۆ ڕێبه‌ری وه‌رگرتن له‌ زانكۆ و په‌یمانگه‌كان به‌سه‌ر ئه‌وانیشدا دابه‌ش ده‌كرێت. وه‌زاره‌تی خوێندنی باڵا و توێژینه‌وه‌ی زانستی ئاگاداری ده‌رچوانی پۆلی دوانزه‌ی ئاماده‌یی (زانستی، وێژه‌یی) و ئاماده‌ییه‌ پیشه‌ییه‌كان و خوێندنی ئیسلامی ده‌كاته‌وه‌, تا ئه‌وكاته‌ی (زانكۆ لاین) ده‌كه‌وێته‌ كار به‌وردی بڕیارو ڕێنماییه‌كانی ناو ڕێبه‌ره‌كه‌ بخوێننه‌وه‌, چونكه‌ خوێندنه‌وه‌ی سه‌رجه‌م بڕیار و ڕێنماییه‌كان و به‌شه‌كانی كۆلێژه‌كان ده‌بنه‌ یارمه‌تیده‌رێكی گرنگ بۆ ئه‌وه‌ی هێڵه‌گشتیه‌كانی دواڕۆژی خوێندکار به‌باشی دیاری بكات و (زانكۆ لاین)یش به‌دروستی پڕ بكاتەوە.