سەرۆکایەتی زانکۆی ڕاپەڕین ڕایدەگەیەنێت سبەی چوارشەممە ۲۰۱٦/٤/۲۰ دەوامی فەرمی لەسەرجەم فاکەڵتی و کۆلێژ و بەشەکانی زانکۆکە  دەبێت و پشوی فەرمی نایانگرێتەوە، ئەمەش بەمەبەستی تەواوکردنی مەنهەجی ساڵی خوێندن و قەرەبوکردنەوەی دەوامی فەوتاوی خوێندکاران .

ئەمڕۆ دوو شەممە ١٨/٤/٢٠١٦ بە مەبەستی لەنزیکەوە ئاشنابوون بە کاروچالاکییەکانی زانکۆی راپەڕین و، ئاگاداربوون لە پڕۆژە و کێشە و کەموکوڕییەکانی سەنتەری گەشەپێدانی کار، سەردانی زانکۆی راپەڕین-یان کرد و لەگەڵ سەرۆکی زانکۆ کۆبوونەوە. وەفدی وەزارەتی خوێندنی باڵا کە پێکھاتبوون لە بەڕێزان "د. جوان جلال محمد شریف" بەڕێوەبەری گشتی نێردراوان و پەیوەندییە رۆشنبیرییەکانی وەزارەتی خوێندنی باڵاو توێژینەوەی زانستی، مامۆستا " مقصود سەعدی محمد" بەڕێوەبەری پەیوەندییە گشتیەکانی وەزارەت، وەفدی میوان لەلایەن بەڕێزان "پ.د. محمد علی عبداللە" سەرۆکی زانکۆی راپەڕین و، " د. حسێن غازی کاکەمین" یاریدەدەری سەرۆکی زانکۆ بۆ کاروباری کارگێڕیی و دارایی، مامۆستا " علی محمد علی " بەرپرسی مەکتەبی سەرۆکی زانکۆ و "ئاراز رەمەزان" بەڕێوەبەری پەیوەندییەکان و راگەیاندنی زانکۆ و ستافی سەنتەری گەشەپێدانی کار پێشوازییان لێکرا.

 بەڕێوەبەرایەتی بەکارخستن لەزانکۆی راپەڕین لەرێگەی ئەنجامدانی چەندین زنجیرە سیمینارەوە بۆ بەشە جیاوازەکانی زانکۆ، خوێندکاران فێری نووسینی (CV) و شێوازی چاوپێکەوتنی کارو تەکنیکەکانی دۆزینەوەی دەرفەتی کار دەکەن.