دوای ئەوەی بەرێز بافڵ جەلال تاڵەبانی بەڵێنی ئەوەیدا کە داواکاری و پێداویستیەکانی خوێندکاران دابین بکات و چارەسەری کێشەکانیان بکات، لەو ڕووەوە لەماوەی رابردوودا دوای سەردانیکردنی لیژنەیەک لەسەر راسپاردەی بەڕێزیان بۆ بەشەناوخۆیەکانی زانکۆمان، بەسوپاسەوە لەچەند رۆژی رابردووەوە هاوكارییەكانی بەرێز بافڵ جەلال تاڵەبانی گەیشتونەتە بەشە ناوخۆییەكانی زانكۆی راپەڕین لەهەردوو كەمپەسی رانیەو قەڵادزێ .

لەگشتاندنێکدا وەزارەتی خوێندنی باڵای هەرێمی کوردستاندا ڕایگەیاند هەر مامۆستا و فەرمانبەر و خوێندکارێک تا ڕێکەوتی ٣١-١٢-٢٠٢١ ڤاکسین وەرنەگرێت ڕووبەڕووی ڕێکاری یاسایی و ئیداری دەبێتەوە .

ئەمڕۆ چوارشەممە (٢٠٢١/١٢/٢٢)، له‌هۆڵی پێشه‌وا قازی محمد لەكۆلێژی پەروەردە/ قەڵادزێ، گفتوگۆی توێژینەوەی ماسته‌ری خوێندكاری باڵا (ئاکۆ نجم‌الدین عبدالرحمن) خوێندکاری ماستەر لە کۆلێژی پەروەردە ، به‌شی زمانی کوردی- زمان، به‌ناونیشانی : (مۆڕفۆفۆنێم لە شێوەزاری کەرکووکدا) ئەنجامدرا.